Onyń japyraǵy kólemdi bolǵandyqtan "pil qulaǵy" dep te ataıdy. Alyp alokazııa gúli «ǵumyrynda» bir-aq ret gúldeıdi eken. Álemde bul ósimdiktiń 70-ten asa túri kezdesedi. Petropavl botanıkalyq baǵynda eki myńǵa jýyq ekzotıkalyq ósimdikter bar.
«Alokazııanyń ataýlary kóp. Jańbyr jaýǵanda «pil qulaǵynyń» japyraǵynan sý tamshylaıtyndyǵyna qarap "jylaýyq", keıde aýa raıyn boljaǵysh" dep te ataıdy. Gıtosterol, temir, mys, nıkel jáne t.b makroelementter pen dárýmenderge baı», deıdi «Qyzyljar oranjereıasy» MKQK ekskýrsııa jetekshisi Ekaterına Volojına.
Onyń aıtýynsha «pil qulaǵy» ósimdigin jótel, mastopatııa, revmatızm aýrýlaryna qoldanýǵa bolady. Sonymen qatar denedegi jarany jazatyn, allergııa, qabyný men isinýge qarsy emdik qasıetteri de dáleldengen. Gúlde bıologııalyq belsendi zattardyń kóp bolýyna baılanysty ár túrli ınfeksııalyq aýrýlarǵa qarsy taptyrmaıtyn «dári» dese de bolady.
Munyń aldynda botanıkalyq baqta banan aǵashy men gıbıskýstar sheshek jarǵan bolatyn. Endi mine alǵash ret alokazııa gúldep tur.
О́mir ESQALI,
«Egemen Qazaqstan»
