Bal satyp, qarjysyn qaıyrymdylyqqa jumsamaq

Bir kisi tańerteńgilik bes eshkisin ysqyryp aıdap, óriske shyǵaryp kele jatyp, ózennen balyq aýlap otyrǵan adamdy kórip qalady. Tań atpaı erigip balyq aýlap otyr­ǵan adamnyń qasyna bar­ǵan «bes eshkili baı» biraz aqyl aıtyp tastaıdy. Aqy­lyn urysyp bastaıdy ǵoı. Adam degen eń aldymen otbasynyń jaǵdaıyn oılaý kerek. Bala-shaǵańdy aman-esen ósir. Oqyt, toqyt, uldy úılendir, qyz uzat. Úı-jaı qyl, qyz­metin qamda. Dúnıeden taryq­paý úshin kásipkerlikpen aına­lys, bala-shaǵańdy soǵan baýly. Osynyń bárin bitirseń qol bos, sosyn balyq aýla.

Burqyrap baryp toqtaı­dy. Sóıtse, balyq aýlap otyr­­­ǵan kisi kúledi. «Aý, aq­sa­­qal, men ne istep otyrmyn?! Siz aıt­qannyń bárin oryn­dap qoı­ǵa­nbyz» deıdi. Bes eshkisi bar baı burylyp qarasa ózen ja­ǵa­synda pildeı mashına tur.

Zeınetke shyqqanda bal ara­­syn ósirýmen shuǵyl­daný­dy bastaǵan Aral aýdany, Qum­­bazar aýylynyń turǵyny Se­rik Iаkýdaevtyń búgingi tir­­ligi balyq aýlap otyrǵan adam­­­ǵ­a kóbirek uq­saıdy. Bala­la­ry­­­nyń bári aıaqtanǵan. Úı-j­aı­­lary, óz­derine jetetin dáýle­ti bar.

Bal arasyn ósirip jatqan S.Iаkýdaev osy kási­bi jandanyp jatsa, jetim-je­sir­lerge, múgedek jan­dar­ǵa, meshitke, jaǵdaıy tómen otbasylarǵa kómek kór­­set­­­pek­shi. О́ıtkeni Quran­daǵy Ara súre­sinde: «Aradan tús­ken paıd­anyń on paıyzyn muq­taj jan­darǵa, on paıyzyn týys­qan­darǵa kómek retinde ber», delingen. «Bazarǵa bara qalsaq, túrli qospamen jasalyp kelgen syrttyń ónimderin alamyz. Osyny da eskerip, aýdan halqyn tabıǵı taza ónimmen qamtamasyz etemin», deıdi ol.

Qyzmetiniń deni veterınarııa salasynda ótken Serik Iаkýdaev zeınetke shyqqan soń qarap otyra almaǵan. О́zine la­ıyq kásippen aınalysqysy kel­gende bal arasyn ósirýdi qo­laı kórgen. Sodan soń Qyzyl­orda qalasyna baryp, omartashylarmen áńgime­les­ken, eki aptalyq kýrsyn oqyǵan. Bıznes-jospar jasap «Atameken» kásipkerler pa­la­ta­sy­na barǵan. Jumys is­teı­min dep josparyn belgilep kel­gen adamǵa qarjy bar. Job­a­sy úzdik dep tanylǵan Iаký­daev­qa «Damý» qory qaı­ta­rym­syz grant usynady. 1 mln 275 myń teńge grantty utyp alǵan kásipker 20 uıa «kar­pat» tuqymdy ara men bal alýǵa qajetti qural-jab­dyq­­tar satyp alady. Ara jer­siný úshin alǵashqyda qol­dan shárbat daıyndaǵan kásip­ker keıin omartasyn darııa jaǵa­sy­na kóshiredi. Qalyń jy­nys­ta araǵa shyryn kóp. Osy­laı­sha jumys bastalyp ketken.

Bir uıadan ortasha eseppen alty-jeti keli bal alýǵa bolady eken al jıyrma uıashyqtan bir maýsymda eki júz kelige deıin bal jınalady.

Kásipkerdiń áý bastaǵy nıe­tin aıttyq. О́zinen artyl­ǵanyn qaıyrymdylyq maq­satqa jumsamaq. Búginde adam­d­ardan meıir qashyp tur­ǵan zamanda Atymtaı jomarttar elge kerek.

Kóp jastar jumys joq degendi ózine jaqsy syltaý etip, shóp basyn syndyrmaıdy. Tirlik jasaýǵa qulyqsyz bo­lyp barady. Zeınetke shyq­sa da ózine molshylyq ákeler ja­ńa tabys kózin taýyp alǵan qarııa osyndaı jigersiz jigit­terge úlgi bolsa, qanekı.

Baqtııar TAIJAN,
«Egemen Qazaqstan»

Qyzylorda oblysy