2018-2021 jyl­darǵa arnalǵan qoǵamdyq den­saý­lyqty basqarý jónindegi is-sharalar qolǵa alynbaq

Mańyzdy jıynǵa Densaýlyq saqtaý vıse-mınıstri Alekseı Soı, Parlament Májilisiniń depýtattary, «Nur Otan» partııasy músheleri, Dúnıejúzilik bank sarapshylarynyń, elimizdegi ÚEU men Reseı ókilderi qatysty. Otyrysty ashyp bergen vıse-mınıstr  Qazaqstan sońǵy 10 jylda temekige qarsy kúres prosesinde belgili jetistikterge  qol jetkizgendigin atap ótti.

Elbasy óziniń bıylǵy Jol­daýyn­da  qazirgi densaýlyq saqtaý isi qym­bat­qa túsetin stasıonar­lyq emge emes, negizinen aýrýdyń aldyn alýǵa baǵyttalýǵa tıistigin, son­daı-aq salamatty ómir saltyn na­sı­hattaı otyryp, qoǵam­dyq den­saý­lyqty basqarý isin  kúsheıtý kerek­tigin, jastardyń reprodýktıv­ti densaýlyǵyn qorǵaýǵa jáne nyǵaıtýǵa erekshe nazar aýdarý qajettigin aıtqan bolatyn. «Elbasynyń Joldaýyn iske asyrý úshin 2018-2021 jyldarǵa arnalǵan qoǵamdyq densaýlyqty basqarý jónindegi is-sharalar jospary bekitilgen», dedi vıse-mınıstr.

DDU derekteri boıynsha álem­de shamamen merziminen bu­ryn oryn alatyn ólimniń  80 paıy­zy anaǵurlym keń taraǵan qaýipti tórt faktormen baılanysty, ıaǵnı temeki shegý jáne  alkogol qoldaný, durys tamaqtanbaý, sondaı-aq az fızıkalyq belsen­dilik. Osyǵan oraı Densaýlyq saqtaý mınıstrligi 2018-2021 jyl­darǵa arnalǵan qoǵamdyq den­saý­lyqty basqarý jónindegi is-sharalar josparyn iske asyrý sheń­be­rinde halyq densaýlyǵyna qaýip tóndiretin minez-qulyq fak­tor­­­larynyń áserin tómen­detý­ge ba­­ǵ­yt­­talǵan sharalardy iske asy­rý­­dy kóz­deıtindigin aıtqan bolatyn. 

Oǵan qosa, vıse-mınıstr Qazaq­standa temeki jarnamasyna tyıym salý praktıkasy engizilgenin, aýrýha­nalardyń, jumys oryn­darynyń, mektepterdiń, qoǵamdyq kólikti qosa alǵandaǵy qoǵamdyq obektilerdiń temeki tútininen 100 paıyz arylǵandyǵyn atap ótti. Sonymen qatar vıse-mınıstr óz sózinde temeki ónimine salynatyn salyq bólshektep saýda­laý qunynyń 40 paıyzyn quraı­ty­nyn, temekini tastaýǵa tilek bil­dirgen adamdarǵa tegin qyz­met­ter kórsetiletinin jetkizdi. 

Keńeske qatysýshy­lar talqy­laý barysynda basqa elderdiń tájirı­besin eskere otyryp, Qazaq­stan Respýblıkasyndaǵy múddeli mem­le­kettik organdar men qoǵam­dasty­q­tardyń úılestirilgen is-qımyldary arqyly negizgi ınfek­sııalyq emes aýrýlardy profılaktıkalaý maqsatynda densaýlyqqa áserin tıgizetin zııan­dy ónimderdi azaıtý boıynsha qosymsha sharalardy engizý múmkindigin paıdalaný qajet degen pikirge keldi.

Mıras ASAN,

«Egemen Qazaqstan»