Qazaqstan • 07 Maýsym, 2018

Bıyl 800 shaǵyn nesıege kepildik berý kózdelip otyr — J. Dýlatov

253 ret

kórsetildi

1 mın

oqý úshin

О́tken jyly shaǵyn nesıelerdi kepildendirý maqsatynda «QazAgroKepil» jáne «Damý» qory 414 kepildik bergen. Bul týraly búgin Úkimettiń baspasóz ortalyǵynda Prezıdenttiń Bes áleýmettik bastamasyn iske asyrý týraly ótken brıfıngte eńbek jáne halyqty áleýmettik qorǵaý mınıstrligi halyqty jumyspen qamtý jáne eńbek naryǵyn damytý departamentiniń dırektory Jeńisbek Dýlatov málim etti.

Egemen Qazaqstan

Bıyl 800 shaǵyn nesıege kepildik berý kózdelip otyr — J. Dýlatov

Bıyl bul kórsetkishti eki ese kóbeıtý josparlanyp otyrǵanyn jetkizgen departament basshysy memleket tarapynan 800 kepildik beriletinin naqtylady.

«Jalpy, mundaı kepildik nesıe somasynan 85 paıyzdy quraıdy. Mysaly, kásippen aınalysýǵa nıetti adam bir mıllıon teńge alsa, onyń 850 myń teńgesine Úkimet kepildik beredi. Qalǵan 150 myń teńgege nesıe alýshy ózi kepildik qoıýy kerek. Mysaly, aýyldaǵy malyn, jerin, jylymaıtyn múligin qoıýǵa bolady. Ondaı múmkindik bar», — dedi J. Dýlatov.

Sonymen qatar ol bıyl beriletin 14 myń nesıeniń 11 myńy aýyldyq jerlerde turatyn kásipkerlerge bólinetinin aıtty. Al qalǵan 3 myńǵa jýyǵy qalalar men monoqalalardaǵy kásipkerlerdi qamtymaq.

Eske sala keteıik, bıyl naýryz aıynda jarııalaǵan Bes áleýmettik bastamasy aıasynda Elbasy shaǵyn nesıe berýdi kóbeıtý mindetin qoıǵan bolatyn. Memleket basshysy bul shara, ásirese, aýyl-aımaqtar turǵyndary úshin, aýyldaǵy kásipkerlikti damytý úshin asa mańyzdy ekenin atap ótken edi.