«Shlıýmberje» kompanııasynyń qazaqtandyq bólimshesin aralaý kezinde Baqytjan Saǵyntaev munaı ken oryndaryna qyzmet kórsetý boıynsha kásiporynnyń tehnologııalyq úderisimen jáne jańa óndiristik ári servıstik múmkindikterimen tanysty.
Qazaqstandaǵy «Shlıýmberje» basshysy M. Razıev sıfrlandyrý barysy týraly baıandady. Ol Shlıýmberje «Sıfrlyq ken orny», «I-invoicing», «Shot usyný» jobalary boıynsha «Qazgermunaı» BK» JShS, «Qarajanbasmunaı» AQ, QNOS, «Qarashyǵanaq Petrolıým Opereıtıng», «Teńizshevroıl» JShS sekildi munaı óndirýshi kásiporyndarǵa qyzmetter usynýmen aınalysatynyn aıtty.
M. Razıevtiń málimdeýinshe, keleshekte kásiporyn Kaspıı óńirinde jobalardy iske asyrý kezinde qoldaý kórsetetin toraptyq ortalyqqa aınalýǵa múddeli.
Schlumberger kompanııasy jer qyrtysyn baǵalaý, uńǵymalar qurylysy, kómirsýtekti óndirýdi jáne óńdeýdi basqarý boıynsha álemdik jetekshi tehnologııalardyń jetkizýshisi bolyp tabylady. Kompanııa álemniń 85-ten astam elinde jumys isteıdi jáne onyń 140-tan astam ulttan 100 myńǵa jýyq qyzmetkeri bar.
Sapardyń kelesi nysany ónerkásiptik aımaq aýmaǵynda ornalasqan jáne bıyl naýryzda jańǵyrtýdan keıin paıdalanýǵa berilgen «Aktau Steel» JShS metallýrgııalyq zaýyty boldy.
Aıta ketý kerek, rekonstrýksııalaý jobasy $22 mln somasyna sheteldik ınvestısııalardy tartý arqyly júzege asyryldy. Premer-Mınıstr álemdik standarttarǵa saı keletin jańa jabdyqtar ornatylǵan elektrli bolat balqytý jáne ılem sehin kórdi. Búgingi tańda óndiristik qýattylyǵy jylyna 300 myń tonna sharshy daıyndama pen 250 myń tonna qurylys armatýrasy ılemin quraıdy.
Daıyn ónim ishki naryqqa jóneltiledi, sonymen qatar shetelge eksportqa shyǵarylady. Aralaý kezinde «Aktau Steel» JShS dırektory R. Mırzaev qazirgi kezde kásiporynda 150-ge jýyq jumys orny qurylǵanyn aıtty. Sonymen qosa, zaýyt tolyq qýattylyǵyna shyqqan soń jumys oryndarynyń sany eki esege artady.
Qańtar-sáýir aılarynda Mańǵystaý oblysynyń negizgi kapıtalyna ınvestısııalar 131 mlrd. teńgeni qurady. О́tken jylǵy osy kezeńde ónerkásiptik ónim kólemi 910 mlrd teńgeni qurady. Naqty kólem ındeksi — 2017 j. sáıkes kezeńge shaqqanda 101,5%.
О́nerkásiptik ónim óndirisiniń jalpy kóleminen úlesi 85,9% quraıtyn taý-ken ónerkásibinde jáne karerlerden ken alýda óndiris kólemi 781,9 mlrd teńsheni qurady, NKI — 101,6%. О́ńdeý ónerkásibinde (sala úlesi — 8,6%) eseptik kezeńde 78,5 mlrd teńgege ónim shyǵarylǵan, naqty kólem ındeksi (NKI) 112,2% qurady. Basqa metall emes mıneral ónimderdi óndirý — 14,5%, mashınalar men jabdyqtardan ózge, daıyn metall buıymdar — 2,6 ese, rezına jáne plastmassa buıymdar — 1,8 ese, teri ónimderi - 1,2 esege arttty.
