О́tken aptada Fransııada kelissózder ótkizildi, olardyń qorytyndysy boıynsha birlesken kásiporyn qurý maqsatynda Kazakh Invest, ECM Technologies fransýz kompanııasy jáne qytaılyq CEEC–NWPC International kompanııasy úshjaqty kelisimge qol qoıdy. Bul kelisim aıasynda kún elementteriniń tolyq sıklin óndirý ǵana emes, sonymen qatar stansııalar qurylysyn bastan-aıaq salý da qarastyrylǵan. Alǵashqy tapsyrystar Reseıde (300 MVt) jáne Ortalyq Azııa elderinde josparlanyp otyr. Sonymen qatar, Kazakh Invest qoldaýymen qytaı kompanııalary QR-da joǵary tehnologııalyq óndiristerdi iske qosýda.
Kazakh Invest basqarma tóraǵasy Saparbek Tuıaqbaevtyń aıtýynsha, Iskerlik keńes aıasynda 15 jobaǵa qol qoıylǵan, olar negizinen ınnovasııalyq óndirister.
Máselen, CITIC Construction Co. vıse-prezıdenti Djınchıang Iаngpen birlestikte joǵarǵy klasty jaǵarmaı, benzın jáne dızel frasııalary, mıneraldy otyn jáne suıyltylǵan kómirsýtek gazdary óndirisi boıynsha kelisimge qol qoıdy.
Sonymen qatar Hebei Hua Tong Cable kompanııasymen jasalǵan kelisim Qaraǵandy oblysynda kabel ónimderiniń óndirisi jobasyn iske asyrýǵa baǵyttalǵan. «Farma Beıchjýn-Ilın» kompanııasymen qytaı medısınasy jáne dárilik shópter ósirý ortalyǵyn qurý boıynsha yntymaqtastyq týraly kelisimge qol qoıyldy.
Budan ózge, «QazAzot» AQ, Cathay Industrial Biotech jáne CITIC Construction Co. arasynda QR-da bıohımııalyq klasterdi damytý týraly qujattarǵa; «Allıýr kompanııalar toby» AQ, qytaılyq SMS kompanııasy jáne «Báıterek» holdıngi arasynda avtomobıl klasterin odan ári damytý jónindegi jol kartasyna; «Agromashholdıng KZ» AQ men YTO arasynda traktorlar qurastyrý óndirisin uıymdastyrý boıynsha memorandýmǵa, sonymen qatar Kazakh Invest, ECM Technologies fransýz kompanııasy jáne qytaılyq CEEC–NWPC International kompanııasy arasynda jańartylatyn energetıka salasyndaǵy jobalardy júzege asyrý boıynsha yntymaqtastyq týraly kelisimge qol qoıyldy.
Aıta keteıik, Qazaqstandaǵy kún elektr stansııalarynyń qurylysyna ınvestısııalardyń jalpy kólemi $300 mln kóleminde josparlanǵan, olar NPWC kompanııasynyń jáne qytaı qarjylyq ınstıtýttarynyń qatysýymen tartylatyn bolady.
Esterińizge sala keteıik, Beıjińde jalpy somasy shamamen $13 mlrd quraıtyn ekonomıkalyq sıpattaǵy 40 qujatqa qol qoıyldy, olardyń 15-i — Kazakh Invest atsalysýymen. Bul kelisimderge sáıkes Qazaqstan aýmaǵynda mashına jasaý, bıotehnologııalar jáne t.b. salalarda jańa joǵary tehnologııalyq óndiristerdi iske qosý josparlanǵan.
