Toptyq kezeńniń alǵashqy qyzyǵy 1-týrda bastalyp edi. Germanııa jeńilip, Brazılııa súrinip, Argentına qıyndyqtarǵa tap boldy. Leonel Messı bastaǵan jigitter tipti 2-týrda da sátsizdikten aryla almady. Horvatııadan 0:3 esebimen jeńildi. Qalǵan eki favorıt – Ispanııa men Portýgalııa bir-birimen teń túsip, ekinshi oıyndarynda 3 upaıdan ıemdendi. Al pleı-offqa erte bastan shyqqan Reseı men Ýrýgvaıdyń jaǵdaıy jaqsy. Keıinnen olarǵa Horvatııa men Fransııa qosyldy. Endi bul tizimge taǵy kimder qosylady?
«S» tobynda Fransııadan keıingi orynnan Danııanyń dámesi zor. Oǵan básekelestik tanytyp turǵan Aýstralııa ǵana. Sebebi Perý eki oıynda jeńilip, kelesi kezeńge shyǵý maqsatynan aıyrylyp qalǵan. Biraq perýandyqtar sońǵy matchty jankúıerler úshin, el úshin oınaımyz dese Aýstralııanyń apshysyn qýyrary anyq. Oıyn máneri men jyldam shabýyly kórermendi tánti etti. Tek ózderi Danııaǵa qarsy oıynda penaltı soǵa almaı, sorlap qaldy. Endi sonyń zardabyn tartyp, Otanǵa oralǵaly otyr. Boljam boıynsha Perý Aýstralııadan jeńilmeıdi. Danııa Fransııamen teń tússe, ekinshi oryndy ıemdenip, jarysty odan ári jalǵastyra beredi. Bul – toptaǵy 3 komandany da qanaǵattandyratyn nusqa. Demek, kópshilik osylaı qalasa, oǵan Aýstralııa qaıratsyz oıynymen qarsylyq bildire almas.
Argentınanyń kelesi aınalymǵa ótýi tek ózine ǵana baılanysty emes. Eń aýyry osy bolyp tur. Alaıda eger shabýyl shebindegi jigitter topyrlatyp kóp gol soqsa, onda «albıseleste» komandasy kelesi aınalymǵa ótedi. Argentınany qurtyp turǵan dop aıyrmasy. Demek, Islandııa Horvatııany 1:0 esebimen jeńse, Argentına Nıgerııany 2:0 esebimen utýy tıis. Biraq odan keıin kórsetkishter birdeı bolyp qalyp jatsa, sary qaǵazdar sany esepteledi. Dıbala, Messı, Igýaın, Agýero sekildi jigitterge múmkindik bolsa gol soǵa bergeni durys. Onyń ústine 3-týrdyń oıyndary paralel, bir ýaqytta ótip jatady.
«E» tobyndaǵy shıelenistiń de shyrmaýy qatty. О́tken jolǵy birinshilikte atoı salǵan Kosta-Rıka eshqandaı sharasyz qaldy. Eki oıynda jeńilip, endi úshinshi matchqa kúsh salmaq. Eger sońǵy týrda Kosta-Rıka Shveısarııany jeńip ketse, onda kelesi kezeńge Brazılııa men Serbııa ótip ketedi. Eger Serbııa Brazılııany utyp, Shveısarııa teń tússe, onda Neımar bastaǵan saıypqyrandar da opyq jep qalady. Sondyqtan da bul toptaǵy eki oıynda surapyl, jan alysyp, jan berisken kezdesý bolary haq.
Kóp jaǵdaıda 6 upaı alǵan komandalar kelesi kezeńge ótip jatady. Biraq «F» tobynda olaı emes. Eki oıynda jeńgen Meksıka toptan shyqpaı qalýy múmkin. Ol úshin Germanııa Ońtústik Koreıany utyp, Shvesııa Meksıkany jeńýi tıis. Álem chempıonyn jeńip, odan keıin ekinshi machta da jeńimpaz atanyp, toptan shyǵa almaı qalý – Meksıka fýtbolshylaryna aýyr tıeri anyq. Sondyqtan da Karlos Osarıo komandasyna kem degende teń túsý kerek.
Tartysy taýsylyp, qyzyǵar túgi qalmaǵan «G» tobynda Anglııa men Belgııa arasyndaǵy match biraz jankúıerge qyzyqty bolýy múmkin. Bul eki komandanyń sapynda aǵylshyn premer-lıgasynda óner kórsetetin fýtbolshylar óte kóp. Joldastyq oıyn dep aıtylsa da, qaı jeńgeni toptaǵy birinshi oryndy ıemdenedi.
Al sońǵy toptaǵy jalǵyz Eýropalyq ujym – Polsha esh múmkindiksiz qaldy. Endi olar sońǵy oıynda Japonııanyń bar maqsat-múddesiniń kúl talqanyn shyǵaryp ketýi múmkin. Sebebi Senegal men Kolýmbııanyń da kelesi kezeńge ótetin múmkindigi zor.
Ermuhamed MÁÝLEN,
«Egemen Qazaqstan»
