Qazaqstannyń Ǵaryshtyq zertteýler ınstıtýtynyń negizin qalaǵan О́mirzaq Sultanǵazınniń esimi otandyq ǵylymǵa ólsheýsiz úles qosqan qaıratkerler qatarynda atalady. О́mirzaq Mahmutulynyń esimi fızıka-matematıka salasyndaǵy sırek ári mańyzdy zertteýlermen de tyǵyz baılanysty. Ǵarysh salasyna qatysty zertteýleri elimiz ǵana emes, alys-jaqyn shetelderde joǵary baǵalanǵany belgili. Ol Karlov, Parıj, Kıoto, Stenford jáne Merılend ýnıversıtetterine, Banah atyndaǵy Halyqaralyq matematıkalyq mektepterde ǵylymı dárister oqyp, NASA (AQSh), KNES (Fransııa) sııaqty sheteldik jetekshi ǵaryshtyq agenttiktermen ǵylymı baılanystar ornatty.
Al «Mır» kesheni bortynda, halyqaralyq ǵarysh stansasynda ǵaryshkerler T.Áýbákirov pen T.Musabaev qatysqan ǵylymı zertteýler men tájirıbelerdiń tórt baǵdarlamasyn ázirleý men júzege asyrýǵa tikeleı atsalysqany otandyq ǵarysh salasyndaǵy shoqtyǵy bıik jetistikterdiń biregeıi.
О́mirzaq Mahmutulynyń ǵylymı jetekshiligimen jaryq kórgen monografııalar men oqýlyqtar búginde elimizdiń joǵary oqý oryndary stýdentteri úshin qundy eńbekter bolyp tabylady.
Qalalyq Mádenıet jáne arhıvter basqarmasy basshysynyń orynbasary Danııar Álıev osy ıgi sharany qolǵa alyp, júzege asyryp otyrǵan ǵalymnyń otbasyna, Ulttyq kitaphana dırektory J.Seıdýmanovqa rızashylyq bildirdi.
Al ǵalymnyń jary Raıhan Ǵanıqyzy kitaphanaǵa ǵalymnyń matematıka, fızıka salasyndaǵy ǵylymı kitaptaryn syıǵa tartyp, ıgi sharaǵa atsalysyp otyrǵan azamattarǵa alǵys aıtty.
Elvıra SERIKQYZY,
«Egemen Qazaqstan»
ALMATY
