Pastore – «Roma» fýtbolshysy
PSJ klýbynyń jartylaı qorǵaýshysy Haver Pastore jazǵy transfer kezeńinde «Roma» komandasyna aýysty. Italııalyq klýb 29 jastaǵy oıynshymen 2023 jyldyń 30 maýsymyna deıin kelisimshartqa otyrǵan.
Haver Pastoreniń transferi rımdikter úshin 24,7 mıllıon eýroǵa baǵalanǵan. Argentınalyq fýtbolshy «Roma» sapynda 27-shi nómirde oınaıtyn bolady. Pastore 2009-2011 jyldar aralyǵynda «Palermo» klýbynda oınap, 42 mıllıon eýroǵa Parıj komandasyna aýysqan bolatyn. Ol jeti jyl ishinde PSJ klýbymen birge 19 júlde jeńip alǵan.
Jańa salmaq qosyldy
Búkilálemdik boks sýper serııasynyń (WBSS) ekinshi maýsymyna jańa salmaq qosylatyn boldy. Bul týraly atalǵan týrnırdi uıymdastyrýshylardyń biri Kalle Zaýerlıand málimdedi
Onyń aıtýynsha, sýper serııanyń kelesi maýsymynda birinshi jartylaı orta salmaqtaǵy (63,5 kg) boksshylar qatysa alady. «WBSS jobasynyń kelesi maýsymyna jańa salmaq qosylǵanyn qýanyshpen habarlaǵym keledi. Bul salmaqta kásipqoı bokstiń eń úzdik boksshylary jınalǵan. О́te tartysty jekpe-jekter bolady dep oılaımyz. Jýyrda sizderge sensasııaly tizimdi usynatyn bolamyz», deıdi Zaýerlıand.
Qazirgi ýaqytta bul salmaqta qazaqstandyq boksshy Batyr Júkembaev judyryqtasyp, jaqsy nátıjelerge qol jetkizip júr. Búginge deıin 13 jekpe-jek ótkizip, onyń barlyǵynda jeńiske jetken. 11 kezdesýin merziminen buryn aıaqtaǵan. Sonymen qatar onyń enshisinde IBO International men WBC Continental Americas beldikteri bar. Aldaǵy ýaqytta úmitkerler tiziminen otandasymyzdy kórip qalýymyz múmkin.
Alǵashqy aınalymda jeńildi
Ulybrıtanııanyń Istbýrn qalasynda ótip jatqan tennısten qyzdar arasyndaǵy «Premier» jarysyna enetin «Nature Valley International» týrnıriniń birinshi aınalymynda otandasymyz Iýlııa Pýtınseva jeńilip qaldy.
Qazaqstandyq tennısshi alǵashqy aınalymda horvatııalyq tennısshi Donna Vekıchpen kezdesken bolatyn. Eki setke sozylǵan oıynda Pýtınseva qarsylasyna 5:7, 3:6 nátıjesimen ese jiberdi. Sondaı-aq týrnırdiń úzdik tennısshileri sanalǵan reseılik Anastasııa Pavlıýchenkova rýmynııalyq Sorana Kırstıandi 2:6, 7:5, 6:4 esebimen jeńse, ýkraınalyq tennısshi Katerına Bondarenko fransııalyq Alıze Kornenıden 4:6, 6:2, 6:4 nátıjesimen basym tústi.
Aıta keteıik, Pýtınseva jýyrda ǵana aıaqtalǵan Fransııa ashyq chempıonatynyń shırek fınalyna deıin jetip, WTA reıtınginde 56-orynǵa deıin kóterilgen-di.
Daıyndaǵan Álı BITО́RE,
«Egemen Qazaqstan»
