Otyrysty ashqan G.Ábdiqalyqova Elbasy Nursultan Nazarbaevtyń halyqqa arnaǵan «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty bıylǵy Joldaýynda adam kapıtalyn damytýdy mańyzdy mindettiń biri retinde ataǵanyna toqtaldy.
«Qazaqstannyń budan ári damýy múlde ózgeshe oılaý júıesin qalyptastyrýdy, tez beıimdelý men ózgere bilý qabiletin talap etetin sıfrly dáýirdiń jańa jahandyq trendteri yqpalynda júrgiziledi. Ol úshin eń aldymen bilim salasyn jańa ınnovasııalyq ındýstrııalandyrý talaptaryna beıimdeýimiz qajet», dedi Memlekettik hatshy.
Komıssııa otyrysy aıasynda Bilim jáne ǵylym mınıstrligiń «Bolashaq» halyqaralyq stıpendııasynyń iske asyrylýy týraly aqparat tyńdaldy, sondaı-aq basqa da birqatar máseleler qaraldy.
Jıynda komıssııa sheshimimen stıpendııa magıstratýrada, doktorantýrada oqıtyn jáne álemniń jetekshi joǵary oqý oryndaryna taǵylymdamadan ótýge jiberiletin 76 úmitkerge taǵaıyndaldy.
Otyrys qorytyndysy boıynsha Memlekettik hatshy «Bolashaq» halyqaralyq stıpendııasyn iske asyrýdy odan ári jalǵastyrý jóninde birqatar tapsyrma berdi.
Abaı ASANKELDIULY,
«Egemen Qazaqstan»
