Jańa ortalyqtyń tusaýkeserine ForteBank basqarmasynyń tóraǵasy Gýram Andronıkashvılı men fılıal dırektory Abbat Ýrısbaev qatysty. Olar ofısterdiń tujyrymdamasy men stıli uzaq talqylanǵanyn jáne Italııanyń DINN dızaınerlik kompanııasynyń kásibı mamandarymen muqııat ázirlengenin aıtty.
Bankomattar men termınaldarǵa táýlik boıy qoljetimdilik josparda kózdelgen. The Financial Brand (AQSh) basylymynyń habarlaýynsha, elimizdegi bul ekinshi deńgeıli banktyń ofısteri álemdegi bank bólimsheleriniń úzdik dızaındarynyń qataryna kiredi. Alaıda klıentterdi kezektegi kútýden qutqaratyn ózdiginen qyzmet kórsetýdiń qolaıly aımaqtary jańa formattaǵy bólimshelerdiń eń basty ereksheligi bolyp tabylady. Barlyq qajetti qyzmetterdi mobıldik qosymshanyń kómegimen jasaýǵa bolady. Al ol barlyq paıdalanýshylar úshin ashyq.
«Kóktemde eldegi banktik kartalardyń barlyq paıdalanýshylary úshin mobıldik qosymshany ashtyq. Kez kelgen banktiń klıenti bola turyp, Siz ForteBank qosymshasyn júktep, óz kartańyzdyń nómirin engizip, tirkelip, osylaısha barlyq qyzmetterdi paıdalana alasyz. Bizdiń servıske 200 myńnan astam qazaqstandyq baǵa berdi, aı saıyn mobıldik qosymsha arqyly 2 mıllıonǵa jýyq tranzaksııa júrgizilýde», - dep atap ótti ashylý saltanatynda Gýram Andronıkashvılı.
Eger klıentterdiń bireýi áli onlaın-qyzmetterdi qalaı paıdalanýdy sońyna deıin bilmese, oǵan ózdiginen qyzmet kórsetý aımaǵynda sypaıy konsýltant árdaıym kómek berýge daıyn. 2017 jyly banktiń mobıldik qosymshasy Qazaqstanda №1 bolyp tanyldy jáne Reseıdiń Markswebb taldamalyq agenttiginiń habarlaýynsha, TMD-daǵy 10 úzdik banktiń qatarynda.
Saltanatty rásim aıasynda Mańǵystaý oblysynyń ákimdigi men ForteBank arasynda óńirdiń damýyna yqpal jasaıtyn jobalardy iske asyrý, sondaı-aq halyqqa sapaly bank qyzmetterin kórsetý maqsatyndaǵy yntymaqtastyq týraly memorandýmǵa qol qoıyldy.
«Qarjy ınstıtýttarynyń arasynda ForteBank aıryqsha oryn alyp otyr jáne eldegi eń ótimdi ári turaqty bankterdiń biri bolyp tabylady. Biz ForteBank pen Mańǵystaý oblysy ákimdiginiń óńirdiń odan ári damýy boıynsha ortaq josparlarynyń bar ekendigine jáne tyǵyz yntymaqtastyqta jumys isteıtinimizge qýanyshtymyz, bul jóninde búgin qol qoıylǵan memorandým kýálandyryp otyr», – dedi Eraly Toǵjanov.
Qazirdiń ózinde bank óńirde halyqqa jáne kompanııalarǵa qyzmetter kórsetý boıynsha kóshbasshy oryndarǵa nyq senimmen shyǵyp keledi. ForteBank oblystyq fılıaly klıentteriniń 34 000-nan astamy jeke tulǵalar bolsa, 3000-ǵa jýyǵy kásipkerler. Bul qarjy uıymy «Bıznestiń jol kartasy 2020» baǵdarlamasynyń belsendi qatysýshysy bolyp tabylady, al Mańǵystaý oblysyndaǵy fılıal birneshe ret bólingen qarajattardy ıgerý qarqyny boıynsha kóshbasshy boldy. 2017 jyldyń qorytyndylary boıynsha 2,5 mlrd. teńge somaǵa 28 jobany qarjylandyrdy.
Sondaı-aq ForteBank qarjylandyrǵan «Nur Kapıtal» baǵdarlamasy boıynsha sýbsıdııalaýdyń birinshi shartyna qol qoıý jańa ofıstiń ashylýyndaǵy eń basty sátterdiń birine aınaldy.
