Sýretti túsirgen Talǵat TÁNIBAEV
«Rýhanı jańǵyrý» baǵdarlamasy aıasynda túzilgen qanatqaqty jobalardyń qaı-qaısysy bolsyn ata-babamyz búgingi urpaqqa amanattap qaldyrǵan asyl muralarymyz ben ulttyq qundylyqtarymyzdy keńinen ulyqtaýǵa arnalyp,onyń ishinde qos ishekti qara dombyranyń tilmen aıtyp jetkisiz tylsym únin nasıhattaýǵa barynsha basymdyq berildi. О́ńirdegi kúı óneriniń damý tarıhy jaıly sóz etsek, Y. Altynsarın atyndaǵy tósbelginiń ıegeri Serikbaı Qusaıynovtyń esimin aldymen atalady. Seksenniń seńgirine kóterilse de qatardan qalmaı, eńbek etip kele jatqan abyz aqsaqal keńestik kezeń kezinde Jambyl, Tımırıazev, Shal aqyn aýdandarynda, Petropavl qalasynda ulttyq orkestrlerdiń, mýzykalyq kolledjde dombyra synybynyń qurylýyna muryndyq bolǵan. Alǵash ret tusaýy kesilgen ulyq meıram rýhymyzdy oıatyp, jigerimizdi qanattandyrady. О́skeleń urpaq dáýlesker kúıshiler Qurmanǵazy, Dáýletkereı, Táttimbet, Dına, Qazanǵap, Súgirlerdiń shyǵarmalarymen tárbıelenip ósse, eldik múddeni aldyńǵy orynǵa qoıatyn azamattar shoǵyry arta túseri kámil. О́ıtkeni, kúı –halqymyzben birge jasasyp kele jatqan kıeli de qasıetti óner. Ondaǵy azattyqqa, bostandyqqa umtyldyratyn uly saryndy tilmen aıtyp jetkizý qıyn, deıdi, barlyq mádenı is-sharalardyń basy-qasynda júrgen Serikbaı aǵamyz.
«Kúder» dombyrashylar ansambli elimizdegi tańdaýly mýzyka ujymdarynyń biri sanalady. Ansambldiń jetekshisi Toıken Kúderova shırek ǵasyrǵa jýyq ýaqyt ishinde jarty myńdaı shákirttiń ustazy atanyp, Bolgarııada 21 memlekettiń qatysýymen ótken aıtýly dodada top jardy. Gran-prımen qosa qos altyn medaldi ıelendi. Bul joly da ulttyq mádenıet pen biregeılikti saqtaý jáne qaıta jańǵyrtý sheńberinde uıymdastyrylǵan ıgi bastamanyń bel ortasynan tabylyp, ulttyq ónerimizdi asqaqtatty. «Rahmet», «Semeınyı» iri saýda ortalyqtarynyń mańyna jınalǵan jurtshylyq óner ujymdarynyń konserttik baǵdarlamasyn qyzyǵa tamashalasa, «Abylaıhan rezıdensııasy» murajaı keshenine kelýshiler nazaryna osydan 300 jyl buryn jasalyp, kóneniń kózindeı ystyq kórinetin dombyranyń tarıhy usynyldy.
Jer-jerlerde «Babalardyń kózindeı qasıetti dombyra» aksııasy uıymdastyrylyp, túrli qaıyrymdylyq sharalary kórsetildi. Qazaqstan halqy oblystyq assambleıa músheleri men etnomádenı birlestikterdiń ókilderi perınataldyq ortalyqta bolyp, osy kúni dúnıege kelgen nárestege baǵaly syıylyq retinde qos ishekti aspapty tartý etti.
Táýelsizdik sttellasy alańynda kásibı dombyrashylardyń qatysýymen «Kóńilashar», «Balbyraýyn», «Adaı» sekildi áıgili kúıler oryndaldy. Jeke oryndaýshylar da óz ónerlerin ortaǵa saldy.
О́mir ESQALI,
«Egemen Qazaqstan»
Soltústik Qazaqstan oblysy.
