Qazaqstan Prezıdenti ekspozısııa aýmaǵynda Qyzylorda oblysynyń jurtshylyq ókilderimen áńgimelesti.
Elbasyǵa ǵarysh apparattaryn qurastyrý-synaý kesheniniń múmkindikteri tanystyryldy.
Memleket basshysy ǵylym men jańa tehnologııalardy damytý isindegi ǵarysh ónerkásibiniń mańyzdylyǵyn atap ótti.
– Meniń tapsyrmam boıynsha fransýz tarapymen birlesip, jasandy jer serigin qurastyratyn zaýytty iske qostyq. Jýyrda ózimizdiń jer serikterimizdi qurastyrýǵa kirisemiz. Bizde zymyran ushyratyn qurylǵy bar, 2022 jylǵa qaraı «Zenıt» zymyrany daıyn bolady. Osylaısha, ǵarysh ónerkásibimiz jańa tehnologııalyq deńgeıge kóterilip, Qazaqstan tolyqqandy ǵarysh derjavasyna aınalatyn bolady, – dedi Nursultan Nazarbaev.
***
Mýzeı «Qazaqstan Ǵarysh Sapary» ulttyq ǵarysh ortalyǵynyń aýmaǵynda ornalasqan. Astananyń 20 jyldyǵyna syıǵa tartylǵan zymyran-ǵarysh tehnıkasy mýzeıiniń ashyq ekspozısııasynda «Soıýz», «Proton», «Zenıt» zymyran tasyǵyshtarynyń, sondaı-aq «Boran» orbıta kemesiniń úlgileri qoıylǵan.
