Astanada memleket pen bıznestiń serik­tes­tigi týraly forým ótti

Forýmda Ulttyq ekonomıka mınıstri Tımýr Súleımenov sóz sóılep, atalǵan zańdaǵy ózgerister men tolyqtyrýlardy orta­ǵa saldy. «Bıylǵy 24 mamyrda Memleket basshysy kásipkerlik qyzmettiń rettelýin jetildirý úshin tıisti zańǵa qol qoıǵan bo­latyn. Bul mańyzdy qu­­jat­taǵy túzetýler men to­lyqtyrýlardy engi­zý ońaı bolǵan joq. Ká­sip­­kerlerdiń pikiri men usynystaryn bilý úshin jarty jyl birlesip ju­mys istedik. Sodan keıin jar­ty jyl Parlamentte osy ózgeristerdi muqııat qa­­raýǵa ketti. Bıznesti qaı­­ta retteý jáne onyń shy­ǵyndaryn azaıtý, ákim­shi­lik kedergilerin joıý jáne kásipkerliktiń damýyn yntalandyrý boıynsha júrgizilip jat­qan saıa­sat eskerile otyryp, zań memlekettik ba­qy­laý-qadaǵalaý qyz­metin reformalaý, aq­pa­rat­tyq quraldardy retteý, tabıǵı monopolııa­lar sýbektileri jáne kva­zı­memlekettik sektor kórsetetin mindetti qyz­metterdi reformalaý, retteýshilik áserge tal­­daýdy jetildirý, bız­nes shyǵyndaryn tú­be­geı­li tómendetý, báse­ke­lestikke kedergi kel­tiretin normalardy anyq­taý jáne alyp tastaý, Qazaqstannyń «Doing Business» reıtıngisinde pozısııalaryn jaqsartý sekil­di baǵyttar boıyn­sha ázirlendi. Máse­len, mem­lekettiń baqylaý-qa­da­ǵalaý qyz­metin reformalaý má­se­lesine kelsek, en­di tekserýshi kásip­ker­di bir­­den jaza­laý­­ǵa jú­gin­beı, oǵan kem­shi­lik­terin tú­zetýge ýaqyt beredi. Mu­ny pro­fı­laktıkalyq ba­qy­laý dep aıtýǵa bolady», dedi mınıstr.

Forýmda kásipkerler ta­rapynan mınıstr­ge kóptegen suraqtar qoı­yl­dy. Máse­len, «Siz jańa ká­sip­kerler salǵan nysan­dy monopolıstik kommý­nal­dyq qyzmetterge tap­syrýdyń belgili bir merzimi belgilenedi de­dińiz. Sonda ol qandaı merzim?» dep surady. «Eń ary ketkende jarty jyl dep otyrmyz» dep jaýap berdi mını­s­tr. Osyǵan qosymsha Ja­nat Ertilesova endi osy másele boıynsha ar­naýly saıt jumys isteı­tindigin, kásipker ny­sandy kommýnaldyq qyz­m­etterge qosý jóninde osy saıt arqyly ótinish be­re alatyndyǵyn, bul jaǵ­daı kommýnaldyq qyz­met kórsetýshi mon­o­-
polısterdiń jańa nysan­dy qabyldap alý jónin­degi áreketterin ashyq qadaǵalaýǵa alyp keletin­digin jetkizdi.

Forýmda «Atameken» UKP Basqarma tóra­ǵa­synyń orynbasary Rýs­lan Júrsinov sóz alyp, atal­ǵan zań jobasyn ázir­leýge kásipkerlerdiń bel­sene qatysqandyǵyn, bul bel­sendiliktiń ózin aq­ta­ǵandyǵyn, ká­sip­ker­ler aıtqan usy­nys­tyń 96 paıyzy qabyl­dan­ǵandyǵyn aıtyp ótti. 

Suńǵat ÁLIPBAI,
«Egemen Qazaqstan»