Shara barysynda Departament basshysy, Ádep jónindegi keńes tóraǵasy Bolat Isaqov «Protecting Business and Investments» jobasyn tanystyrdy. Kezdesýge Sybaılas jemqorlyqqa qarsy is-qımyl Ulttyq bıýrosy Departamenti basshylyǵy jáne «KAZAKH INVEST UK» AQ aımaqtyq ókildigi, ınvestorlar jáne kásipkerlerqatynasty.
- Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl Agenttigi ınvestorlardy sybaılas jemqorlyqqa qarsy súıemeldeý jobasyn iske qosty. Bul joba sybaılas jemqorlyqty joıýdyń ozyq mehanızmderin qoldana otyryp, qolaıly ınvestısııalyq ahýal qalyptastyrýǵa baǵyttalǵan, - deıdi Bolat Isaqov.
Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl Agenttigi bul jobany «KAZAKH INVEST Ulttyq kompanııasy» aksıonerlik qoǵamymen, tıisti mınıstrliktermen jáne jergilikti atqarýshy organdarmen birlesip júzege asyrýda. Jobanyń basym baǵyty – kásipkerlerdiń quqyǵyn qorǵaý, bıznes úderisterdi ońtaılandyrý, qoǵamdyq baqylaý ornatý jáne ınvestorlardyń sybaılas jemqorlyqqa qarsy quqyqtyq saýattylyǵyn arttyrý.
Kezdesý barysynda qatysýshylar bul sharanyń mańyzdylyǵyn atap ótip, elimizdegi sybaılas jemqorlyqqa qarsy júrgizilip jatqan keshendi is-qımyl týraly óz oılarymen bólisti.
Qazbek QUTTYMURATULY,
«Egemen Qazaqstan»
Oral qalasy
