Qazaq degen uly halyq, basynan nebir zobalań zaman ótse de, osy táýelsizdikke qol jetkizip, ózin ózi saqtap qalǵan halyq, tekti el, qasterli jerdiń ıeleri,-dedi Zeınep apa,-Elbasy aıtyp otyrǵan «Rýhanı jańǵyrý» degenimiz bul bir-eki ánshiniń tyńdap, bılep qaıtý emes, ultymyzdyń salt-dástúrin halyqqa jetkizý, kishkentaı balalardy, mektep oqýshylaryn tárbıeleý, sanany jańǵyrtý bolyp tabylady.
Jıyn barysynda qala əkimi Almas Ońdaqanov alystan at aryltyp kelgen meımanǵa at mingizdi. Kýrchatov qalasynyń halqy atynan shapan jaýyp, syı-syıapat kórsetti.
– Zeınep Ahmetova keremet jan eken, sabyrly ári salmaqty, atasy Baýyrjan Momyshuly estelikteri bizge estelik bolyp qaldy, - dedi osy sharany uıymdastyrýshy Kýrchatov qalalyq mádenıet bóliminiń basshysy Altynaı Súleımenova.
Budan soń Zeınep Ahmetova Kýrchatovtaǵy 3514 Áskerı bóliminde boldy. Áskerı bólimniń komandıri Aqyljan Aqylbekov batyrdyń kelinin qurmetpen qarsy alyp, sarbazdarmen júzdestirdi. Zeınep Ahmetova osynda áskerı boryshyn atqarýshy ár sarbazdyń qal-jaǵdaıyn surap, olarmen Otandy qorǵaýdyń mańyzdylyǵy jaıly áńgimelesti. Sodan keıin «Máńgilik alaý» basyna gúl shoqtaryn qoıyp, taǵzym etti. Kýrchatov qalasyndaǵy «Dańq alleıasyn» aqsaqaldar keńesiniń tóraǵasy Shahmurat Tóleýtaevpen birge ashyp, tusaýkeser rásimin jasady.
Kýrchatovtaǵy Ulttyq Iаdrolyq Ortalyqtyń mýzeıin tamashalaǵan Zeınep Ahmetova apamyzdy bul jerde de qurmetpen qarsy alyp, syı-syıapat, jón-joralǵysyn jasady. Semeı ıadrolyq synaq polıgonyn basqarý tetigin kórip, synaqtardan zardap shekkender jaıly derekti kórmeni tamashalady. Zeınep Ahmetovanyń kelesi sapary Abaı aýdanynda jalǵasty. Budan keıin ol Alashtyń rýhanı astanasy Semeı qalasyna sapar shekpek.
Raýshan NUǴMANBEKOVA
Sýret avtordiki
Shyǵys Qazaqstan oblysy
Kýrchatov qalasy
