Atqarylǵan is saralandy

Jalpyǵa málim, Memlekettik qyzmet isteri jáne sybaılas jemqorlyqqa qarsy is-qı­myl agenttigi memlekettik qyzmet, sybaılas jemqorlyq kórinis­teriniń aldyn alý jáne memle­kettik kórsetiletin qyzmetter sapa­synyń saqtalýyn baqylaý salasyndaǵy ýákiletti mem­le­ket­tik organ retinde mańyzdy min­det­terdi atqarady. Soǵan sáıkes atalǵan alqa jumysynda agenttik­tiń memlekettik qyzmet, memle­kettik kórsetiletin qyzmet­ter­di baqylaý, memlekettik qyz­met­shi­lermen ádep normalaryn saqtaý jáne sybaılas jemqorlyqtyń aldyn alý salasyndaǵy qyz­meti nátıjesimen qatar, mem­le­kettik organǵa baǵynyshty meke­melerdiń – Sybaılas jemqor­lyqqa qarsy is-qımyl ulttyq bıýrosynyń, Prezıdent janyn­daǵy memlekettik basqarý akade­mııasy jáne Memlekettik qyz­mettiń personalyn baqylaý ulttyq ortalyǵynyń jarty­jyl­dyq jumysy talqylanyp, qorytyndylandy.

Negizgi baıandamany jasaǵan agenttik tóraǵasy A.Shpekbaev memlekettik qyzmetshilerge ja­laqy tóleýdiń jańa júıesiniń oń nátıjelerine toqtaldy. Ol «Biz bul baǵyttyń júzege asy­ry­lýynyń belsendi satysyna óttik. Qazirdiń ózinde kadrlyq turaqtylyq pen básekelestiktiń artqandyǵy baıqalady», dep atap ótti. Bul oraıda qyzmetshilerdiń básekege qabilettiligin odan ári arttyryp, sondaı-aq adam resýrstaryn basqarýdy jetildirý úshin kadrlyq is júrgizý bo­ıynsha jalpy qyzmet kórsetý ortalyǵyn engizý jobasy júzege asyrylýda. Osynyń arqasynda Agenttikte 147 kadr birligi qys­qaryp, nátıjesinde 432 mln teń­gedeı qarjy únemdelmek. Kelesi qadam – memlekettik satyp alýlar men zańgerlik qyzmetti orta­lyqtandyrý. Al únemdelgen qar­jyny memlekettik organ bas­shysy qyzmetkerlerdiń jalaq­y­syna ústemaqy retinde qosyp berýge, sóıtip olardy odan ári adal jáne tabysty jumys isteýge yntalandyrýǵa tolyq quqy bar. Qazirgi kezde 2 trln teńge kóleminde jalaqy tóleý qory bar vedomstvolyq baǵy­nysh­ty uıymdarda 1,5 mln adam ju­mys isteýde. Úkimette olardy ońtaı­lan­dyrý jáne toptastyrý má­selesi qaralyp jatqan kórinedi.

Jalpy, agenttik eńbekaqyny arttyrý, básekelestikti kúsheıtý sekildi máselelerden basqa, memlekettik qyzmetkerlerdiń áleýmettik jaǵdaıyn jetildirý máselesin sheshýge de bastama kóterip otyr. Olardyń arasynda jeńildikpen turǵyn úıler men zeınetaqy júıesin engizý, densaýlyqty túzeýge jaǵdaı jasaý, sondaı-aq qyzmetkerler balalaryna balabaqshadan oryn usyný men ortalyqtandyrylǵan medısınalyq qyzmetter alýdy uıymdastyrý bar.

Agenttik tóraǵasy sybaılas jemqorlyqqa qarsy kúreste qol jetkizgen nátıjelerge toq­taldy. Onyń aıtýynsha, is júzinde barlyq salada joǵary laýa­zymdy tulǵalardyń qatysýy­men jasalǵan sybaılas jemqor­lyqtyń kóptegen deregi ashylyp, oǵan qatysy bar 700-den astam adam, onyń 18-i respýblıkalyq, 55-i oblystyq, 101-i qalalyq jáne aýdandyq býyndarda anyq­tal­ǵandyǵyn atap ótti. Máse­len, olardyń arasynda Energe­tıka vıse-mınıstrleri, syrtqy saıa­sat vedomstvosynyń jaýap­ty hatshysy, Aýyl sharýa­shylyǵy mınıstrligi komıtet­teriniń tóraǵasy men tóraǵa­synyń orynbasarlary, Ulttyq kompanııalardyń top-mened­jerleri, quqyq qorǵaý organ­darynyń basshylary, sondaı-aq ártúrli deńgeıdegi sýdıalar bar.

Alqa májilisinde agenttiktiń bıznesti qorǵaý baǵytyndaǵy qyzmet nátıjeleri de shy­ǵa­ryl­dy. Mysaly, osy kezeńde agent­tik 300-den asa kásipkerdiń quqy­ǵyn qorǵaǵan. Bul ótken jyl­dyń kórsetkishimen (108) salys­tyrǵanda 3 esege kóp.Ter­geý barysynda kúdiktilerdiń múli­gine 4,6 mlrd teńgege tyıym sa­lynǵan, bul ótken jyldyń kór­set­kishinen (1,2) 4 esege artyq.

Aleksandr TASBOLAT,

«Egemen Qazaqstan»