Oqýshylardyń jazǵy demalysyn tıimdi paıdalaný jáne týǵan eldiń mádenıeti men tarıhyn tereń zerdeleý maqsatynda uıymdastyrylǵan respýb-lıkalyq ólketaný aksııasy aıasynda olar HI ǵasyrda salynǵan Qarahan baba, Aısha bıbi, Babadja hatýn jáne Tekturmas kesenelerin, sonymen qatar «Kóne Taraz» tarıhı-mádenı ortalyǵyn, Jambyl oblystyq tarıhı-ólketaný mýzeıin, Qazaq handyǵynyń 550 jyldyǵyna arnalǵan monýmentin, «Taraz Arena» sport keshenin jáne jýyrda qaıta jańǵyrtýdan ótken «Jeńis» saıabaǵyn aralap, kóne shahardyń mádenı nysandarymen tanysty.
Jambyl oblystyq bilim basqarmasynyń málimetinshe, Qazaqstan Respýblıkasy Prezıdenti Ákimshiliginiń Ishki saıasat bólimi «Rýhanı jańǵyrý» Ortalyq jobalyq keńsesimen birlesip jazǵy demalys ýaqytynda az qamtylǵan otbasylardan shyqqan, ata-analarynyń qamqorlyǵynsyz qalǵan balalardyń, sondaı-aq respýblıkalyq jáne oblystyq olımpıadalar men jarystardyń jeńimpazdarynyń Qazaqstannyń kıeli nysandaryna, sonyń ishinde Astana qalasyna barýy jóninde respýblıkalyq ólketaný aksııasyn josparlap, óńirlik delegasııalardyń elimizdiń oblystary men qalalarynyń kıeli oryndaryna barý kestesin bekitken. Atalǵan kestege shilde aıynda Taraz servıs jáne tehnologııa kolledjiniń 25 stýdenti Soltústik Qazaqstan oblysy, Petropavl qalasynyń mádenı nysandaryn tamashalap qaıtqan bolatyn. Al shilde aıynyń sońǵy aptasynda atalǵan oblysqa óńirden taǵy 45 mektep oqýshylary men kolledj stýdentteri attanady dep josparlanýda.
Hamıt Esaman,
«Egemen Qazaqstan»
Jambyl oblysy
