Qutqarý avıasııasynyń aldynda qyrýar mindet tur

«Qazaqstan Respýblıkasy Úki­metiniń 2016 jylǵy 18 aqpan­daǵy № 72 qaýlysyna sáıkes «Qaz­avıa­qutqarý» AQ bıýdjet qarajaty esebinen qarjylandyrylatyn memlekettik organdar men uıym­darǵa tikushaq qyzmetterin usyný jónindegi biryńǵaı opera­tor bolyp belgilendi.Úki­met qaýlysyn iske asyrý maq­satynda Qazavıaqutqarý IIM Tó­ten­she jaǵdaılar komıteti men onyń bólimsheleriniń, Densaý­lyq saqtaý mınıstrliginiń Respýb­lıkalyq sanıtarııalyq avıa­sııa ortalyǵynyń, Aýyl sha­rýashylyǵy mınıstrliginiń Qazaq ormandardy avıasııalyq qorǵaý jáne orman sharýashylyǵyna qyzmet kórsetý bazasynyń, Qazaeronavıgasııanyń, jergilikti atqarýshy organdardyń jáne basqa da memlekettik tapsyrys berýshilerdiń múddeleri úshin áýege kóteriledi. Avıasııa tasqyn jáne muz jaǵdaıyn baǵalaý men avıasııalyq barlaýdy júrgizý maqsatynda tartylady, tótenshe jaǵdaılardan keıingi qalpyna keltirý jumystaryn qam­tamasyz etedi, baǵytynan jańylǵan balyqshylardy qutqarý, dala jáne orman órtin sóndirý jumystaryna, selge qarsy is-sharalarǵa qatysady. Budan ózge, «Qazavıaqutqarý» áýe kemeleri bilikti medısınalyq mamandardy jetkizý, shalǵaı eldi mekenderdegi naýqastarǵa mamandandyrylǵan medısınalyq kómek kórsetý úshin ushýlar oryndaıdy», dedi ol.

Sonymen qatar Andreı Ko­so­lapov «Kazavıaqutqarýdyń» avıaparkinde Qazaqstanda jáne shetelde jasalǵan 27 tikushaq bar ekenin tilge tıek etti.

«Tikushaqtar Astana, Alma­ty, Atyraý, Aqtaý, Aqtóbe, Qyzyl­orda, Shymkent, Taraz, Taldy­qor­ǵan, О́skemen, Pavlodar, Oral, Balqash qalalarynda ornalasqan. Mysaly, ES-145 (Evrokopter) tikushaqtary densaýlyq saqtaý salasyn damytýdyń «Salamatty Qazaqstan» memlekettik baǵ­dar­lamasy sheńberinde satyp alyndy jáne halyqaralyq standarttarǵa sáıkes kóliktik medısınany da­­my­­týdy qamtamasyz etýge baǵyt­­talǵan. Evrokopterler defı­b­rıl­lıatordy, ókpeni jasan­dy jel­detý júıesin, tamyri­shilik ın­fýzııa júıesin qamtı­tyn medısı­nalyq modýlmen jáne naý­qastar men zardap shekken­derdi tasymaldaý úshin qajetti sha­ra­lardy qamtamasyz etetin basqa da medısınalyq quraldar­men jabdyqtalǵan. Evrokop­ter­ler kóbinese Respýblıka­lyq sanıtarlyq avıasııa ortaly­ǵynyń ótinimderi boıynsha tar­tylady.

Mı-8MTV/8T/171/ tik­ushaq­tary negizgi avıa­sııa­lyq tehnı­ka bolyp tabylady, olar­dyń qyzmeti tótenshe jaǵdaı­lar­dyń aldyn alýǵa jáne joıý­ǵa ba­ǵyt­talǵan. Tikushaqtar órt­ke 5 tonnaǵa deıin ot basa­tyn suıyq­­tyqty tastaýǵa múmkindik bere­tin sýaǵar qurylǵylary­men jab­dyqtalǵan. Ka-32A11VS tik­ushaq­tary qalalyq ortada ońaı júrip, órt sóndirýdi júzege asyra ala­dy. Simplex kompanııa­synyń «Fire Attack» órt sóndirý júıe­simen jáne sý pýshkasymen jabdyq­tal­ǵan Ka-32A11VS órt sóndirýdiń jaqsy quraly bolyp tabylady.

Álemde júk kótergishtigi eń joǵary serııaly Mı-26T tik­usha­ǵy fıýzelıaj ishinde nemese syrt­qy aspada 20 tonnaǵa deıin júk tasymaldaı alady. Sondaı-aq Mı-26T 15 tonnaǵa deıin ot basa­tyn suıyqtyqty tasymaldaýǵa múm­kindik beretin sýaǵar qu­ryl­ǵymen jabdyqtalǵan. Ushý­lar­dy qamtamasyz etý men oryndaý­dy joǵary bilikti ushý jáne ınjenerlik-tehnıkalyq quram jú­zege asyrady. Personal únemi jetekshi avıasııalyq oqý orta­lyq­tar­ynda kásibı deńgeıdi ustaý jáne arttyrý kýrstarynan óte­di. Máselen, Evrokopter tikushaq­tary­nyń ushý quramyna kýrs­tar men trenajerlyq daıar­lyq­tar «Evrokopter Qazaqstan Injı­­nırıng» JShS oqý ortaly­ǵynyń bazasynda júzege asady. Máse­len, 2017 jyly ushýlardyń sany 740-qa deıin jetti. 2018 jyldyń 6 aıynda 240 ushý júzege asyryl­dy. О́tken jylǵy qańtarda Aq­tóbe oblysynda ózbek azamat­taryn apara jatqan avtobýsta bol­ǵan qaıǵyly oqıǵa kezinde Qaza­vıaqutqarý qaza bolǵandar­dyń denelerin tasymaldaý men oqıǵany tergeý komıssııasyn jetkizý úshin qysqa merzimde oqıǵa ornyna birneshe tikushaqty jumyldyrdy», dedi ol.

Raýan QAIDAR,

«Egemen Qazaqstan»