Almatynyń týmasy Aqtóbedegi qazaq-túrik lıseıinde oqyǵan. Oqýshy kezinde matematıkadan halyqaralyq olımpıadada júldeger bolǵan.
Almatydaǵy Súleımen Demırel atyndaǵy ýnıversıtette bakalavrdy aqparattyq tehnologııalardy baǵdarlamalyq qamtamasyz etý mamandyǵy boıynsha bitirgen.
«Stýdent kezimde matematıkadan sabaq berdim. Sol ýaqyttan bastap ustazdyqqa degen yntam artty. Al magıstratýrany bitirgennen keıin sol oqý ornynda qyzmet ettim», deıdi ol.
Osydan keıin ol Pensılvanııa ýnıversıtetine baǵdarlamalaý mamandyǵy boıynsha oqýǵa qabyldanady.
«Men 2012 jyly oqýǵa tústim, biraq «Bolashaq» baǵdarlamasy boıynsha emes. Sol ýaqyttan beri IT mamany bolyp bir jyl jumys istedim. Keıin meni dál sol ýnıversıtetke oqytýshy etip qabyldady. Al 20 tamyzdan bastap professor retinde jańa jumysyma kirisemin. Ýnıversıtet jylyna 70-80 myń dollar eńbekaqy usynyp otyr», dedi M.Myrzabolatov.
