Sútti baǵyttaǵy iri qara malynyń tólderi dıareıa aýrýyna shaldyǵýy jıi kezdesedi. Al joǵaryda atalǵan qospa –atalmysh dertke birden-bir em. Onyń quramynda “B” dárýmeniniń barlyq túri bar jáne aqýyzǵa óte baı. Maldyń ımmýnıtetin jaqsartady.Eritindi túrindegi qospanyń eki-úsh lıtrin buzaýǵa kúnine berse jetkilikti.
Búgingi kúni mal sharýashylyǵynda hlorella bıotehnologııasyn damytý mańyzdy sharalardyń biri ekenin eskergen sharýa qojalyǵynyń jetekshisi Asan Atymtaev qospa retinde daıyndalatyn jemshóp óndirýmen aınalysý úshin memleket kómegine júgingen. “Bıznestiń jol kartasy – 2020” baǵdarlamasy arqyly 2,5 mıllıon teńgeniń grantyn utyp alǵan. Qajetti qural-jabdyqtar Reseıdiń Qazan qalasynan jetkizilgen. Arnaıy mamandar oqý kýrsynan ótken.
Qazir sharýashylyqta 320 jylqy, 260 iri qara maly, bir myńǵa jýyq qoı bar. Qyryq adam turaqty jumyspen qamtylǵan.
Aldaǵy ýaqytta memlekettik baǵdarlama aıasynda sútti baǵyttaǵy bir júz bas asyl tuqymdy sıyr satyp alý qarastyrylǵan.
О́mir ESQALI,
«Egemen Qazaqstan»
Soltústik Qazaqstan oblysy
