Qurbym qapyda qaza boldy

Buzaqylardyń áreketteri áli esimnen keter emes. Áli ózime-ózim kele almaı júrmin. Men tiri qaldym. Janar Ábdiqadyrova degen qur­bym qapyda mert boldy. 16 jeltoq­san kúni oıymyzda eshteńe joq mereke tamashalaýǵa shyqqan­byz. Adamdar da kóńildi. Qala kó­she­leri de kó­rikti edi. Ý-shý, apyr-topyr bastalyp ketti. Tas laqtyrý, uryp-soǵýmen qa­tar myl­tyq atyl­dy. Áńgimelesip qa­tar kele jat­qan qurbym tamaǵyn us­tap qulap tús­ti. Tastap ketpedim. Ja­ǵala­sa júrip qolymnan kelgen kóme­gim­di kórset­tim. Arqalaǵandaı bo­lyp, ta­nys­tar kezigip aýrýhanaǵa ákel­dik. Qol­dan kelgenniń bárin ja­sa­dyq. Bi­raq jap-jas qur­bymnyń ómirin saq­tap qala almadyq. Eń qıyny onyń shıetteı tórt balasy bar edi jetim qaldy. Kúıeýi aýyryp basqa jaqta júrgen edi. Budan artyq qasiret bolar ma? Solardy osyndaı kúıge túsirgen jastarda ıman bar deýge aýyz bar­maı­dy. Bul bir ǵana oqıǵa. Al aýrý­hana­myz­da oq tıip, tas tıip, basy jary­lyp, ókpesi tesilip ólimshi bolyp jat­qan jap-jas ba­la­lardy kórgenim­de janym qına­la­dy. Keremet ómirimizdiń shyrqyn buzǵan qyl­mys­kerler tıisti jazasyn alady ǵoı dep oılaımyn. Átteń qurbym­nyń orny tolar ma? Jetim qalǵandar qaıtip kún kóredi? U.AIMUHANOVA, Jańaózen qalalyq aýrýhanasynyń medbıkesi.