Sabyrlylyq kerek

О́te bir qolaısyz, ókinishi mol jaǵdaılar bolǵanda súıe­gi­mizge daq keldi deýshi edi ba­ba­larymyz. Keshegi Jańa­ózen­de bolǵan jaǵdaı dál osyndaı áserge qaldyryp otyr. Ǵasyr­lar boıy ańsaǵan táýelsiz­di­gimizdiń 20 jyldyǵynda bulaı bolady dep kim oılaǵan? Búkil álemge pash etken Qazaq eliniń birligi men tynyshtyǵyna daq túsip otyr. Uıat jaǵdaı. Bılik basyndaǵy sheneýnikterge ók­pelesek te, myna jıyrma jyl­dyq uly mereke kúni halqymyzdyń mereıli shyrqyn buzbaıyq degen Jańa­ózen­degi basbuzarlardyń oıy­na kelmedi. Oǵan olardyń aqyly jetpedi. Osy­nyń saldarynan qazaq qazaqqa qol jum­sady, oq atty, qan tógildi. Zaman­ǵa, elge, árqaı­sy­myz­ǵa óte ókinishti oqıǵa. Osy qandy oqıǵanyń aran­da­tý­shylary bar dep jatyr. Bolsa bolar, olardy izdep tabý kerek, atyn atap, túsin tústep halyqqa jarııa etý kerek. Tıisti ja­za­syn da berý qajet. Degenmen, jańa­­ózen­dikter osyn­daı aran­da­týǵa nege túsip qal­dy, sebebi nede? Ol da anyqtalýy tıis. Aqparatqa sensek, bes júzdeı munaı­shy­lar jeti aı boıy ereýilge shyǵyp, alań­da júr. Ártúrli kompanııa, mınıstrlik bas­shy­larymen júrgizil­gen kelissó­z­der mu­naı­­shylardy qa­naǵat­tan­dyr­ma­dy. Jańa­ózen­­d­ik­ter­diń aran­datýǵa túsip qal­ǵan­­dar­y­nyń bir sebebi osy der edim. Táýelsizdiktiń alǵashqy jyl­darynda mártebeli Elbasyǵa: «Qur­metti Nureke! Sizge halyq eki-aq mindet artady. Birinshisi – Qazaq eliniń júrer jolyn anyqtap, sol ba­ǵytpen júrýdi baqylap otyrý. Ekinshisi – eshkim esimin bilmeıtin Qa­zaq elin álemge tanystyryp, álem ór­kenıetine jeteleý. Osyny oryn­da­sańyz halqymyz Sizge dán rıza. Al endi óz elimizde qara qazandy qaına­typ, eliniń muń-muqtajyn kózben kórip, ony túzep otyratyn úkimet emes pe. Onyń basshysy Qajygeldın kabınetinen shyqpaı­dy, eldiń jan aıqaıymen sharýasy joq», degen pikir aıtyp edim. Qudaıǵa shúkir, Prezıdent óz min­detin atqaryp-aq kele jatyr. Al úkimetke jo­ǵa­ryda aıtqan pikirimdi qaıtalap, eldegi, árbir óńirlerdegi tur­mys, ál-aýqat, kóńil-kúı máse­le­leri­ne erekshe kóńil bólip otyrý kerek der edim. Eline jany ashı­tyn, tá­ji­rıbesi mol bir azamat úkimet bas­shy­sy­nyń orynba­sa­ry retinde áleý­­met­tik salaǵa jetekshi etkeni de durys sııaqty. Jańaózendik aǵaıyndar! Sizderdi sabyrlylyqqa shaqyra­myn. Jal­ǵyz emessizder, el bolyp mu­naı­shy­lar talabynyń durys sheshilýine búgingi kúni kózin tigip otyr. Úkimet te tıisti sharalar oılas­tyrýda. Elbasy tikeleı ba­qy­laýyna alǵan sharýanyń qaı-qaı­sysy da sheshiletinin halqymyz jaq­sy biledi. Sizder de osylaı bo­laryna senińizder. Kenjeǵalı SAǴADIEV, akademık.