Kóre almaýshylyq pa deımin

Men kezinde Jo­ǵar­ǵy Keńestiń 12-shi sha­qy­rylymynyń de­pý­taty bolǵanymda, Táýelsizdik deklarasııasyna daýys berip, onyń qabyl­da­nýyna belsene qatys­qan adamnyń birimin. Sol kezde biz Qazaq­stannyń kókbaı­ra­ǵyna, ánurany­na, eltań­ba­sy­na, Pre­zı­dent Nursultan Nazar­baev­qa daýys bergen edik. Endi, mine, sodan beri táýelsiz elimiz úl­ken jetistikke jetip otyr. Elimizde 20 jylda beıbitshilik pen kelisim ornap, qazir búkil álem soǵan qyzyǵa qaraıtyn jaǵ­daı­ǵa jetti. Al Ja­ńa­ózendegi oqıǵa­daǵ­y qyl­mystyń báribir ashyla­ty­nyna senemin, oǵan kú­mánim joq. Qazir bizge osyndaı oqıǵalardan sa­baq alyp, birligimizdi ny­ǵaıtýymyz kerek dep oı­laımyn. Men ózim akýsher-gınekolog dáriger retinde sá­bı­lerdiń dúnıege kelgende qandaı tátti bo­latynyn jaqsy bilemin. Bala ómir úshin, ómirdiń qyzyǵyn kórý úshin keledi. Bıyl Táýel­siz­diktiń 20 jyldyǵy. Osy ýaqyt ishinde táýelsizdikpen qur­das balalar ósip, jetildi. Qazir olar oń-solyn tanıtyn jigit ja­syna keldi. Bul balalar HHI ǵa­syrda elimizdi órkendetip, da­my­tatyn azamattar. Sondyqtan bizge óskeleń urpaqtyń tárbıesine kóp mán bergen jón. Ár otbasy – kishigirim mem­­leket. Tárbıeniń bári otb­a­sy­nan bas­ta­lady. Biz ba­la­larǵa «bul seniń Ota­nyń, bul seniń jeriń, bul seniń úıiń» degen áńgi­me­lerdi jıi aıtyp, boı­lary­na otansúıgishtik sezim qa­lyp­­tas­ty­ryp, tárbıelep ósirýimiz kerek. So­syn elde rýhanı qundy­lyq­tardy dáriptep, úlken ıdeo­lo­gııa­lyq ju­mystar júrgizil­se jaqsy bolar edi. Qazir bizdiń elde saıası turaq­tylyq, halyqtar arasynda birlik pen dostyq bar. Jańaózendegi jaǵ­daı bizdiń eldegi osy saıası tu­raqtylyqtyń, birliktiń bolǵanyn kóre almaǵandardyń áreketi me dep te oılaımyn. Nına KAIýPOVA, «Qazaqstan áıelderi odaǵy» qoǵamdyq birlestiginiń tóraıymy.