О́z otyńdy óziń óshirme, aǵaıyn!

Osydan 25 jyl buryn qazaq jastary kommýnıstik otarshyldyqtyń óktem­di­gi­ne qarsy qaırat kórsetip, ár ha­lyq­tyń óz kósemi bo­lýy úshin Brejnev ala­ńyna jınalyp, janqııarlyq erlik kórsetti. О́ıtkeni, «Jaman úıdi qonaǵy bıleıdi» degen, jastar tol­qýy­nyń ar­jaǵynda qyzyl kommý­nıs­terdiń órkókirektigi men ók­temdigine qarsy bir jaǵadan bas, bir jeńnen qol shyǵaryp kúresý armany turdy. Kóp uzamaı jastar ańsaǵan sol armanǵa – bostandyqqa da qol jetkizdik. Ýaqyt degen ushqyr eken, táýel­sizdiktiń alǵashqy onjyl­dy­ǵyndaǵy ekonomıkalyq qıyn­dyq­tardy artqa tastap, mine, ekinshi onjyldyqty da kórip otyrmyz. Búgingi kúni keıbir kerezýlerdiń aýzymen jer-jahan­ǵa tarap jat­qan «qıyndyq» degen má­sele, sol kezdegi qıyndyqtyń qasyn­da túkke de tur­maı­dy. Na­­ǵyz qıyn­dyq­tan biz sekseninshi jyldar­dyń aıaǵy men toq­sa­nynshy jyl­dary ótip kettik. Aıtaıyn degenim, sol almaǵaıyp kezdiń ózin­de el ishin alataıdaı búldirý, ıaǵnı úı órteý, dúken men bank tonaý, adam ól­tirý degen sııaqty azǵyndyq pen qandy qol qylmys bolmap edi. Al qyl­mys­tyń daýasy – jaza! О́ıtkeni, halqy­myz­da «Qolyńmen istege­niń­di moınyń­men kóter» degen danalyq sóz bar. Aǵaıyn, aınalamyzdaǵy yn­ty­maqty elderge qaraıyq ta, oılana­ıyq. Aılyǵy jańaózendik munaıshy­lar­dyń jalaqysynan eki-úsh ese az adamdar da otany men otbasynyń tynyshtyǵy úshin «Barǵa qanaǵat, joqqa salaýat» dep ómir súrip jatyr. Al «atys» pen «shabysqa», «uran» men «úreıge» toly keıbir memleketterdegi analar men balalar bolsa, qu­dyqtaǵy qara sýdyń ózin tynysh­tyq­pen ishýdi armandap, eńirep otyr. O zaman da bu zaman, qaı qazaq óz aýylyna ózi shaýyp, óz úıin ózi órtep, óz baýyryn ózi ólimshi ǵyp sabap, ómirin qıyp edi. Esti ha­lyq óz shańyraǵyn ózderi orta­sy­na túsirmeıdi ǵoı. Qazaǵynyń týy­r­lyǵyn týrap, shańyraǵyn shapqan adamdar áleýmettiń betine uıalmaı qalaı qarap, qalaı aqyl aıtady?!. Áli de kesh emes, esimizdi jııaıyq, aǵaıyn! Erkinbek SOLTYBAEV, Jambyl oblystyq máslıhaty tekserý komıssııasynyń tóraǵasy. Jambyl oblysy.