El tatýlyǵyna enjar qaraýǵa bolmaıdy!

Mańǵystaý mańy maǵan jaq­sy tanys. Qashanda jaýapkershilikti joǵary sezingen aımaq. Tatýlyǵy­men, eńbekqorlyǵymen erekshelenip, geografııalyq ja­ǵy­nan da, áleýmettik jaǵynan da aldyńǵy qatardan kórinip júr­gen eldi-meken. Biraq, Jańa­ózen­nen túsiril­gen beınetaspany kó­rip, óte kúıinishti áserde qal­dym. Mundaı kúıretý, qıratý, búldirý sııaqty áreketterge esh­teńege jany ashy­maıtyndar ǵa­na bara alsa kerek. О́z qolyńmen jasalǵan ǵajaıyp el ıgiligin ózińniń búldirýiń esh­qa­shan jáne eshkim de keshirmeıtin kúná ári ókinishi bitpeıtin qasiret. Bul oqıǵanyń merekege sáı­kes kelýine, meniń oıymsha, ózge kúsh­terdiń yqpaly bar sııaqty. Jastar solaqaı kúshtiń qurba­ny­na aınalyp otyr. Mundaı jaǵ­daıda jastarǵa aıtatyn oryn­dy sóz ta­bylýy kerek. Olardyń ómiri áli alda, sondyqtan aran­datý­shylyq­qa boı aldyrmaı, óz-ózderine berik bolǵany durys. Mun­daı aqyl­shy­larǵa elińniń de, je­riń­niń de, tipti óziń­niń de qu­nyń kók tıyn. Olar­ǵa aram oıyn iske asyr­sa bol­ǵa­ny. «Ashý – dushpan, aqyl – dos» – degen dana­góı ba­balarymyz. О́z  je­riń men óz elińe já­ne hal­qy­ńa shy­nymen ja­nyń ashy­sa, onyń kógerip-kórkeıýine úles qos. Ashýǵa emes, aqyl­ǵa beıim tur, aqyldyń aıtqanyn iste. Sonda bári de túzeledi. El tatýlyǵyna eshqashan enjar qaraýǵa bolmaıdy! Táýelsizdik hal­qy­myzdyń jalǵyz perzentindeı baýyryna basyp, aıalap otyrǵan bas­ty qundylyǵy. Asylymyzdy ardaq­taı bileıik! «Búkil halyq qýanyp, toılap jatqan merekeniń shyrqyn buzý – el estip-kórmegen sum­dyq» dep osy gazette Ábekeń – Ábish Kekil­baı­uly dál aıtqan. Qa­zaq – árkez elin syı­la­ǵan, el-jur­ty­nyń aby­roıyna úl­ken kóńil ból­gen halyq. Kemshiliksiz jumys bol­maı­dy. Kemshilik bolǵan shy­ǵar... Sondyqtan Jańa­ózen jurtshylyǵyn  keshirimdi bolýǵa, túsinis­tik­pen qaraý­ǵa shaqyramyn. Qazir bilektiń emes, bilimniń zamany. Bilek esh­qashan birlikke aparmaıdy. Birlik­tiń joly – bilim men aqyl. Birlik bolsa, elde bereke ornaıdy. Meni quqyq qorǵaý organdary­nyń qamsyzdyǵy da qynjyltty. Qo­ǵam tynysyn sezinip, sergek bo­lyp, máseleniń aldyn alýǵa da, ýa­qy­tynda túzeýge de bolatyn edi ǵoı. Jan-jaqta bolyp jatqan oqı­ǵalardan sabaq alǵan jón edi. Bul, árıne, sondaǵy azamattarǵa da syn. Kinálilerdi tıisti oryn­dar anyq­tar, búlikshiler jaýapqa da tarty­lar, biraq jazyqsyz opat bolǵan­dar­dy qaıda qoımaqpyz? «Tártip buzýshylar shetinen esirtki shekkender, ishimdik ishkender eken» degendeı qaýeset te aıtylyp jatyr. Anyq-qanyǵyn bilmeı turyp,  bu­laı deýge óz basym qarsymyn. Táýelsizdiktiń jolynda basqa basqa, qazaq halqynyń tartpaǵan taýqymeti, kórmegen qasireti joq. «Myń ólip, myń tirilgen» degen sóz tegin aıtylyp júrgen joq qoı. Hal­qymyzdyń san ǵasyrlyq azabyna berilgen anyq baǵa. Sondyqtan Táýel­sizdigimiz – basty qundylyǵymyz. El berekesi – birlikte. Osyǵan kepildik berip otyrǵan Elbasy­myz bar. Sony ár azamat qaperi­nen shyǵarmasa eken. Asanáli ÁShIMOV, Halyq ártisi.