Adaspa, qazaq balasy

Táýelsizdiktiń 20 jyldyq mereı­to­ıyn elimiz úlken serpilispen, joǵary qarqynmen qarsy aldy. Bıikterge jetelep, abyroıymyzdy aspandatqan «20 juldyzdy kún» aksııasy aıasynda tár­bıe­lik mańyzy zor qyzyqty is-sharalar ótti. Qazaq eliniń bedelin kóterip, aı­by­nyn asyrǵan úlken shara 16 jel­toqsan kúni Astanada máresine jetti. Elbasy N.Nazarbaev «Máńgilik el» jasampaz­dyq qaqpa­syn ashty. «Saltanat qaqpa­sy­nyń» ashylý merekesine jıylǵan úlken-kishi «Qazaq eliniń táýelsizdigi máńgilik bolsyn», – dep tarasty. Erkin eldiń erikti ul-qyzy ulttyq merekeni shalqyǵan sha­byt­pen, mereıli qýanyshpen merekelep jatqan Qazaq eline kútpegen jerden kóńilge kirbiń túsirgen tosyn oqıǵa keldi. Teledıdardan Jańaózen oqıǵasyn kórgende esime «Qyz Jibek» fılmindegi tý syrtynan sadaqtyń oǵy tıip ólip bara jatqan Tólegenniń: «Qa­zaǵym-aý, ómirden alatyn enshiń osy ma edi?», – degen bir aýyz sózi tústi. Rasynda óziniń ulttyq merekesinde eli­ńe tas laq­tyratyndaı ne kúıge tústiń? Ulttyq sanań men na­my­syń qaıda? О́zge emes «birińdi qazaq, biriń qyrǵannan» qaı tó­be­ge shyqtyń? Dúıim álemge masqara bolǵannan basqa ne uttyń? Memlekettiń múdesi jeke bastyń múdesinen árkezde bıik turýy kerek emes pe? Biraz oryn alǵan áleýmettik qıyn­dyqty kótere almaı ulttyq merekeńde kópke topyraq shashyp, aırandaı uıyp turǵan el birligin buzǵannan er atanbaısyń. Táýel­sizdikke jetý jolynda qazaq balasy nebir qıyndyqtardy, náýbetterdi basy­nan ótkerdi. Kúndeı kúrkirep ótken keshegi ekinshi dúnıejúzilik soǵysta er-azamatyn maıdanǵa attan­dyr­ǵan tyldaǵy ata­lary­myz men analarymyz turmystyń taýqy­metin kótere bildi ǵoı. Qazirgi beıbit zamanda eldiń shyrqyn buzǵanymyz jaramas. Basqalar eki sanyn shapalaqtap, ala­qan­daryn ysqylap, óńesh­te­ri jetkenshe aıǵaılap qýanyshtan máz bolyp, Jańaózen oqı­ǵa­syn jabyla jazyp, kúndiz-túni habarlap berip jatyr. Olarǵa keregi de osy, Qazaq eliniń turaqsyzdyǵy. El ishine irtki salyp, halyqtyń tynyshtyǵyn alǵandar qazaqqa jany ashy­ǵandar emes. Áleýmettik másele men el qaýipsizdigine qater tón­diretin sodyrlardyń ara-jigin bilýimiz kerek. Olardyń arbaýyna kónip, aıdaǵanyna júrmeı, qarsy tura bileıik. Syn saǵatta el birligi kerek. Kók týymyz jelbirep, el mártebesi qashanda bıik bolsyn. Sondyqtan oılanaıyq, aǵaıyn! Ańsap jetken Táýel­sizdigimizdiń irgesin ózimiz shaıqamaı, birge bolaıyq. Egemendikti kózimizdiń qarashyǵyndaı saqtap, qorǵan bola bileıik! Bul ár qazaqtyń qasıetti paryzy. Erbol IRGEBAI, Álkeı Marǵulan atyndaǵy № 40 orta  mekteptiń dırektory. Astana.