Baspasóz jıynynda «Samuryq-Qazyna» UÁQ» AQ-nyń 2018 jyldyń birinshi jartyjyldyǵyndaǵy qorytyndy nátıjeleri jarııalandy. Málim bolǵandaı «Samuryq-Qazyna» Qorynda barlyq negizgi qarjylyq kórsetkishter boıynsha ósim tirkelgen. «Samuryq-Qazyna» AQ Ekonomıka jáne qarjy jónindegi teń basqarýshy dırektory E.Janádildiń málimdeýinshe, oǵan birneshe faktor arqasynda qol jetkizilgen. Mysaly, atalǵan kezeńde munaı óńdeý kólemi 13 prosentke, elektr energııasynyń óndirisi 28 prosentke, temirjol júk tasymalynyń kólemi 9 prosentke artty, sonymen qatar, kómirsýtekter baǵasy kóterildi.
Qor men onyń jetekshi portfeldik kompanııalarynyń qarjylyq turaqtylyǵyn nyǵaıtý baǵytyndaǵy jumys nátıjeleri de sóz boldy. Aıtalyq, 2018 jyldyń I jarty jyldyǵynda Qor syrtqy qaryz kólemin $900 mıllıonǵa azaıtty, «QazMunaıGaz» UK» AQ-nyń $1,6 mlrd halyqaralyq oblıgasııalary ótelgen, «Samuryq-Energo» AQ 39 mlrd teńgege jýyq qaryzyn merziminen buryn tólengen. E.Janádil sonymen qatar qor buǵan deıin Qazkommersbankinde jatqan kólemi 117 mlrd teńgeni quraıtyn buǵattalǵan depozıttegi qarjysyn merziminen buryn alǵanyn, sondaı-aq kezekti ekinshi deńgeıli bankpen 220 mlrd teńge kólemindegi depozıtti qaıtarý týraly kelisimge qol qoıylǵanyn atap ótti.
«Bosatylǵan qarajat naryqtaǵy kórsetkishterden tómen mólshermen «Samuryq-Qazyna» Qorynyń portfeldik kompanııalaryna qaryzǵa beriledi. Atap aıtqanda, «Qazaqstan Temir Joly» UK» AQ – 75 mlrd teńge, «Qazaqtelekom» AQ – 75 mlrd teńge jáne «Qazatomónerkásip» UAK» AQ – $200 mln alady. Ortasha merzimde bul shara 50 mlrd teńge kóleminde Qorǵa oń nátıjesin beredi», dedi E. Janádil.
Sonymen qatar, baspasóz máslıhatynda «Samuryq-Qazyna» AQ Strategııalyq damý jónindegi basqarýshy dırektory Baljıt Greval birinshi jartyjyldyqta atalǵan nátıjelerge jańa Damý strategııasynyń aıasynda Qorda júzege asyrylǵan qurylymdyq ózgeristerdiń arqasynda qol jetkizilgenin atap ótti. Naqtyraq aıtqanda, Holdıngtiń enshiles kompanııalarynyń sany 359-dan 312-ge deıin qysqartylǵan. Quny 28,5 mlrd teńge bolatyn 15 aktıv satylǵan. Bul baǵytta «Samuryq-Qazyna» qory taǵy 51 aktıvti satyp, 102 strategııalyq mańyzy joq aktıvten shyǵýdy josparlaýda. Atalǵan jumys jekeshelendirý baǵdarlamasy aıasynda júzege asyrylmaq.
«Strategııamyzdyń 2018 jyldyń I jartysynda iske asyrylýy oń qarjylyq nátıjelerge ákeldi. Osy jyldyń II jartysynda biz úsh ulttyq kompanııanyń IPO-syn, bizdiń negizgi emes aktıvterimizdiń satylymyn, basqarý deńgeılerin tómendetýdi, sondaı-aq bizdiń portfeldik kompanııalarǵa strategııalyq ınvestorlardy tartýdy qamtıtyn strategııalyq bastamalarǵa basa nazar aýdaratyn bolamyz», dep naqtylady Qordyń basqarýshy dırektory.Sonymen qatar, B. Greval jańa strategııa aıasynda qurý josparlanǵan keleshek býyn Qorynyń tujyrymdamasyn túsindirip ótti. Onyń aıtýynsha, eger buǵan deıin qordyń mandaty tek ál-aýqatty jasaý bolsa, jańa strategııa aıasynda ol qos ról atqarady. «Bul – keler urpaq úshin Qazaqstannyń ál-aýqatyn nyǵaıtý jáne saqtaý. Biz teńgerimdi ártaraptandyramyz, odan keıin Qazaqstanǵa qarjy resýrstarynyń aǵynyn qamtamasyz etemiz. Budan ózge, kompanııanyń aksıonerlerine tólenetin dıvıdendter kólemin ulǵaıtýdy, keler urpaqtyń ál-aýqatyn saqtaýdy kózdeımiz. Keler urpaq qorynyń bul mandaty basqa da álemdik ulttyq ál-aýqat qorlarynyń mandattaryna uqsas», dedi B. Greval.
Atalǵan brıfıngke sondaı-aq «Samuryq-Qazyna» UÁQ» AQ strategııalyq damý departamentiniń dırektory Lázzat Boranqulova, qoǵammen baılanys jáne marketıngtik kommýnıkasııalar departamentiniń dırektory Sergeı Kýıanov ta qatysty.
Dınara BITIK,
«Egemen Qazaqstan»
