Shymkent qalasynan Qazaqstan Respýblıkasy Parlamenti Senatynyń depýtattaryn saılaýdy taǵaıyndaý týraly
Qazaqstan Respýblıkasy Konstıtýsııasynyń 44-baby 2) tarmaqshasyna, 50-baby 2-tarmaǵyna, «Qazaqstan Respýblıkasyndaǵy saılaý týraly»
1995 jylǵy 28 qyrkúıektegi Qazaqstan Respýblıkasy Konstıtýsııalyq zańynyń 69-baby 1-tarmaǵynyń 2) tarmaqshasyna, 129-babyna jáne «Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly» Qazaqstan Respýblıkasy Prezıdentiniń 2018 jylǵy
19 maýsymdaǵy № 702 Jarlyǵyna sáıkes QAÝLY ETEMIN:
1. 2018 jylǵy 5 qazanǵa Shymkent qalasynan Qazaqstan Respýblıkasy Parlamenti Senatynyń depýtattaryn saılaý taǵaıyndalsyn.
2. Daýys berýdi ótkizý, saılaý qorytyndylaryn jáne Qazaqstan Respýblıkasy Parlamenti Senaty depýtattarynyń ókilettik merzimin aıqyndaý «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń 129-babyna sáıkes júzege asyrylatyn bolyp belgilensin.
3. Qazaqstan Respýblıkasynyń Úkimeti, Shymkent qalasynyń ákimi Shymkent qalasynan Qazaqstan Respýblıkasy Parlamenti Senatynyń depýtattaryn saılaýdy uıymdastyrýshylyq, materıaldyq-tehnıkalyq jáne qarjylyq qamtamasyz etý jónindegi sharalardy qabyldasyn.
4. Osy Jarlyq alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń
Prezıdenti N.Nazarbaev
Astana, Aqorda, 2018 jylǵy 9 tamyz
№731
