Vıtalııdiń qolynan shyqqan ózge ǵalamsharlyqtar men dınozavrlardyń, ertegi áleminiń basqa da keıipkerleriniń úlkendi-kishili músinderi qazirgi ýaqytta mańaıdaǵy balalardyń kózqýanyshyna aınalǵan. Balalar demekshi, olar Vıtalııdiń aýlasyna emin-erkin kirip, ondaǵy ǵajaıyp týyndylardy qalaǵandarynsha tamashalaı alady. Buǵan úı ıesi tarapynan esh qarsylyq joq.
«Álemdi jaqsy jaǵyna ózgertý úshin jáne onda jaqsylyq kóbirek bolsyn desek, ózgeristi aldymen ózimizden bastaýymyz kerek», – deıdi Vıtalıı Hlebov.
On saýsaǵynan óner tamǵan Vıtalııdiń bul isine sonshalyqty kóp qarjy kete qoımapty. Sebebi ol músinderdiń kóbisin penoplast materıalynan jasaǵan eken.
Hlebovtiń mamandyǵy – sýretshi. О́ziniń aıtýynsha, músinderdi jasaý kezinde ájeptáýir ter tógip, eńbektenýge týra kelgen. Keıipkerleriniń kim ekendigi túsinikti bolý úshin ári olardyń balalardy baýrap alatyndaı tartymdy shyǵýy úshin usaq-túıek bólshekterdi jasaýdyń ózine mán berip, aıamaı kúsh jumsapty. Sodan da bolar, sheberdiń qolynan shyqqan týyndylar turǵyndar tarapynan zor súıispenshilikke bólengen.
О́ziniń bul isin «Rýhanı jańǵyrý» baǵdarlamasyna qosqan tamshydaı bolsa da úlesim dep biletin jezqazǵandyq sheber Elbasynyń azamattardy el úshin qandaı da bir paıdaly is jasaýǵa shaqyrǵan úndeýin tolyǵymen qoldaıtynyn aıtady. «Patrıot bolǵannan jamandyq kórgen adamdy kezdestirmedim. Menińshe, árbir adamnyń mıssııasy – jaqsylyq jasaý, aınalańa qýanysh syılaý. Biz bul ómirge qonaqpyz, sondyqtan sońymyzdan maǵynaly iz qaldyra bilýimiz kerek», – deıdi jany jomart Hlebov myrza fılosofııalyq oı túıindep.
Qaırat ÁBILDA,
«Egemen Qazaqstan»
Jezqazǵan
