14 márte uıymdastyrylǵaly otyrǵan aıtýly dodada álemniń birqatar memleketinen 130-dan asa tanymal sportshylar keledi dep kútilýde. Olardyń arasynda «European Challenge Tour» reıtıngi boıynsha 100 myqtynyń qataryna kiretin ataqty oıynshylar da bar. Sonymen qatar, Qazaqstan jáne basqa da elderdiń úzdik golfshylary osy básekede baq synaıdy.
Esterińizge sala keteıik, 2005 jyly Elbasy Nursultan Nazarbaevtyń bastamasymen «Kazakhstan Open» týrnıriniń tusaýy kesilgen bolatyn. Ýaqyt ozǵan saıyn bul jarystyń bedeli kúrt artyp, kóptegen álemge áıgili golfshylar Alataý baýraıyna at basyn burdy. Solardyń qatarynda Maıkl Kaımer, Alvaro Velasko, Edýardo Malınarı, Tommı Flıtvýd jáne taǵy basqa juldyzdardyń bolǵanyn jankúıerler umyta qoıǵan joq. Buıyrtsa, bıylǵy básekeniń de deńgeıi óte joǵary bolmaq.
Ǵalym SÚLEIMEN,
«Egemen Qazaqstan»
ALMATY
