Sharaǵa QR Májilis depýtaty, QR Ulttyq sport qaýymdastyǵynyń prezıdenti Bekbolat TILEÝHAN, QR Mádenıet jáne sport mınıstrligi Sport jáne dene shynyqtyrý isteri Komıteti tóraǵasy Serik JARASBAEV qatysty.
Ulttyq sport túrleri qaýymdastyǵy Prezıdenti Bekbolat Qanaıulynyń sózinshe, QR Ulttyq sport qaýymdastyǵy men Mádenıet jáne sport mınıstrliginiń úsh jańalyǵy bar.
«Birinshiden, 2018 jyldyń 13-14 tamyz aralyǵynda Túrkııanyń Ystambul qalasynda IýNESKO-nyń etnosport jónindegi keshendi kosýltatıvti IV keńesi ótti. IýNESKO-nyń turaqty ókilderi, qyryqtan astam memlekettiń Sport mınıstrleri, depýtattary men laýazymdy tulǵalary jáne halyqaralyq sport federasııalarynyń basshylary bas qosqan osy keńeste 2021 jyly Qazaqstannyń elordasy Astana qalasynda tarıhtaǵy tuńǵysh Álemdik etnosport oıyndaryn ótkizý sheshimi jarııalandy». Sóıtip, Qazaqstan Respýblıkasynyń Táýelsizdik alǵanyna 30 jyl tolatyn merekeli jyly Astanada jer jahannyń tańdaýly ulttyq oıyndarynan ótetin sport básekeleri tamashalanatyn bolady», - dedi B.Tileýhan.
Ekinshiden, QR Ulttyq sport qaýymdastyǵy osy Búkilálemdik etnosport konfederasııasyna tolyqqandy múshe bolyp qabyldandy. Bul degenimiz, endigi jerde ulttyq sporttaǵy bizdiń jattyqtyrýshylardyń, tóreshilerdiń, sportshylardyń halyqaralyq dárejedegi tájirıbe almasýyna, bilim alýyna jáne bolashaqta sporttyq klassıfıkasııalarǵa qol jetkizýge arnalǵan alǵashqy qadam dep aıtýǵa bolady.
«Úshinshi jańalyǵymyz, erteń ótetin II «Altyn jebe» halyqaralyq týrnıri. О́zderińiz jaqsy bilesizder, «Altyn jebe» bıyl ekinshi márte halyqaralyq deńgeıde uıymdastyrylyp otyr. Týrnırge on bir memleketten 25 mergenniń qatysatyny anyq. «Altyn jebeniń» bıylǵy júlde qory – 4 mıllıon teńge. Bas báıge eki mıllıonǵa jýyq», - dep aıaqtady óz sózin Ulttyq sport túrleri qaýymdastyǵy prezıdenti.
О́z kezeginde, Sport jáne dene shynyqtyrý isteri Komıteti tóraǵasy Serik Maratuly QR Mádenıet jáne sport mınıstrligi atalǵan usynysty jan-jaqty qoldaıtynyn jetkizdi.
«Elimizde álemdik etnosport oıyndaryn ótkizý úlken jaýapkershilikti talap etedi, dese de, bul elimizdiń ulttyq sporttyń damýyna túrtki bolatyny sózsiz. Osylaısha, biz ózimizdiń tól sportymyzdy jańa, sapaly deńgeıge shyǵarýǵa múmkindik alamyz. Sonymen qatar, «Altyn jebe» halyqaralyq týrnıri týraly aıta keteıin. Byltyr atalǵan týrnır alǵash ret EKSPO halyqaralyq kórmesi aıasynda ótkizilgen bolatyn. Ol kezde Astanaǵa álemniń 50 memleketinen 20 astam sportshy kelgen bolatyn. Bıylǵy sharany Astananyń 20-jyldyǵyna arnap otyrmyz»,-dedi ol.
