Sonymen qatar, Premer-Mınıstr bilim berý jáne densaýlyq saqtaý mekemelerinde boldy.
Petropavl qalasyndaǵy jańadan salynǵan «Jas О́rken» shaǵyn aýdany memlekettik «Nurly jer» baǵdarlamasy aıasynda boı kóterip otyr. Ol jerde 2019 jyly qazan aıyna qaraı 332 otbasy qonys toıyn toılaıtyn bolady. Páter alatyn turǵyndar úı kezeginde turǵan jáne «Turǵyn úı qurylys jınaq banki» AQ salymshysy bolyp otyrǵan qala turǵyndary. Shaǵyn aýdanda qajetti jaǵdaıdyń barlyǵy jasalǵan. Kóp qabatty úıler salynyp jatyr. 900 orynǵa arnalǵan qazaq mektebi jumys istep tur. Sport saraıy jáne tennıs alańy bar. Taǵy 88 balaǵa arnalǵan shaǵyn ortalyq boı kótergeli otyr. Sonymen qatar, qazaq teatry men aýysymdy 250 oryndyq emhana salý josparda bar.
Premer-Mınıstr sonymen qatar, «7–20–25» jańa ıpotekalyq baǵdarlamasyn odan ári iske asyrý josparlarymen jáne Petropavl qalasynyń basqa da shaǵyn aýdandaryndaǵy qurylys jobalarymen tanysty. Memlekettik baǵdarlama aıasynda oblys ortalyǵynda tórt paneldi bes qabatty úıler salynyp jatyr. Keleshekte jekeshelendirý quqyǵyna ıe bolmaıtyn jalǵa beriletin eki nysannyń qurylysy bastalatyny aıtyldy. Bul úıler áleýmettik jaǵynan az qamtylǵan otbasylarǵa beriletin bolady. Baǵdarlamaǵa sáıkes, ár sharshy metriniń baǵasy 140 000 teńgeden aspaıtyn bolady.
«Atalǵan úılerdiń qurylys jumystary «Nurly jer» turǵyn úı baǵdarlamasy aıasynda júrgizilip jatyr. Jańadan salynatyn bul úılerdi «7-20-25» ıpotekalyq baǵdarlamasy boıynsha berý múmkindigi bar», — dep atap ótti Soltústik Qazaqstan oblysy ákiminiń orynbasary A. Fedıaev.
SQO ákimdiginiń derekteri boıynsha, óńirde qurylys jumystary joǵary qarqynmen júrgizilip jatyr. 2018 jyldyń turǵyn úıdi paıdalanýǵa berý jospary 230 myń sharshy metrdi qurap otyr. Bul 2017 jylǵy kórsetkishtiń 115% quraıdy. Osy jyly 1500 páter berilgeli otyr. Eki jyldyń ishinde 620 eski úı qulatyldy. Olardyń ornyna 2000-nan astam jańa páter salynatyn bolady.
Eske sala keteıik, «Nurly jer» memleketik turǵyn úı qurylys baǵdarlamasy 2016 jyldyń sońyna qaraı qabyldanǵan bolatyn. Baǵdarlama aıasynda jylyna 100 myń páter salynady degen jospar bar. Osylaısha 15 jyldyń ishinde shamamen 1,5 mln otbasyny baspanamen qamtamasyz etý jospary jasalǵan.
