Fılmniń álemdik tusaýkeseri 4 qyrkúıekte ótken bolatyn. «Kókjıekter» atty konkýrstyq baǵdarlamasynda otandyq fılmnen basqa kınematografııa salasy damýynyń jańa tendensııalaryn usynatyn kórkem 18 avtorlyq týyndylar qatysty. Mereıtoıly Venesııa festıvaliniń jeńimpazdaryn 8 qyrkúekte jarııa boldy.
Ataýly «Úzdik rejısser» júldesin – «Arystandy» – festıvaldiń marapattaý saltanatynda Polsha ko-prodıýseriniń ókili Agneshka Pýchılo aldy. Rejısser Emır Baıǵazın marapattaý rásimine qatysa almady, óıtkeni ol «О́zen» fılmin Toronto kınofestıvalinde tanystyrý úshin Kanadaǵa arnaıy barǵan bolatyn ( «О́zen» fılmi negizgi konkýrstyq «Platforma» baǵdarlamasy sheńberinde kórsetiledi).
Aıta ketsek, Emır Baıǵazın bul fılmniń ssenarıı avtory, rejısseri, qoıýshy operatory, prodıýseri, sonymen qatar, kartınanyń montaj jumystaryn da ózi jasaǵan. Trılogııanyń sońǵy bóliminiń (trılogııanyń alǵashqy eki bólimi - «Aslannyń sabaqtary» («Ýrokı garmonıı») jáne «Tórt oqıǵa» («Ranenyı angel») fılmderi) jaryqqa shyǵýyna QR Mádenıet jáne sport mınıstrligi, Sh.Aımanov atyndaǵy «Qazaqfılm» AQ, Polshanyń kıno ınstıtýty jáne Sorfond (Norvegııa) atsalysty. Bul týyndy ssenarıı kezinde MPA APSA Azııa-Tynyq muhıttyq kınoassosıasııasy grantynyń qoldaýyna ıe boldy.
Fılmniń álemdik tusaýkeserinen keıin Batystyń álemge áıgili basylymdary «О́zen» fılmi týraly jarysa jazyp, oń pikirlerin bildirip jatyr.
