Bıylǵy Azııa-Muhıt aımaǵy chempıonaty Japonııada ótti. Qazaqstanda «Túımeqyz» esimimen tanymal qostanaılyq Tursynaı Qabyl chempıonattyń qos «altynyn» qorjynǵa saldy.
«Azııa-Muhıt aımaǵy chempıonatynda paýerlıftıngten alǵashqy 2 altyn medal bar. Júldelerdi el qorjynyna 2004 jyly týǵan Qostanaı oblysynyń sportshysy Tursynaı Qabyl saldy. 41 keli salmaq dárejesinde ol Azııanyń jańa rekordyn ornatty», - dep habarlady Ulttyq paralımpıadalyq komıteti.
Eske salsaq, Tursynaı Qabyl bıylǵy aqpan aıynda Dýbaıda ótken Álem kýbogy oıyndarynan júldeli oralǵan bolatyn.
