О́ner • 11 Qyrkúıek, 2018

Dombyra tartatyn qyrǵyz qyzdary

1080 ret

kórsetildi

1 mın

oqý úshin

Kóshpendiler oıyndarynyń mádenı is-sharalary ótip jatqan Qyrshyn jaılaýyndaǵy etnoqalashyqtyń «Ystyqkól oblysynyń ordasynda» qyrǵyzdyń ulttyq kıimderin kıip, shashtaryn salalap órip alǵan oqýshy qyzdardy sýretke túsirgeli jandaryna barǵanymda, meniń qazaq gazetinen ekenimdi bilgen soń, olar jarysyp: «Báıke (aǵa degenderi), biz dombyra tartqandy bilemiz!», dep janyma úıirile qalysty.

Egemen Qazaqstan

О́zin Jazgúl Bulalova dep tanystyrǵan qaryndas: «Biz, osy Ystyqkól oblysy Aqsý aýdanynyń Keregetash aýylyndaǵy Jýmaǵul Alyshpaev atyndaǵy orta mekteptiń oqýshylarymyz. Mektebimizdiń 120 ónerpazynan quralǵan qomyzshylar ansambli bar. Olardyń otyzy dombyra tartýdy úırengen», dep maqtana sóıledi. Sodan áńgimege Adelına Sharshembaeva degen oqýshy aralasyp: «Biz «Adaı», «Balbyraýyn» jáne «Kelinshek» kúılerin shertemiz, «Erkem-aı» jáne basqa ánderdi dombyraǵa qosylyp aıtamyz. Bizge dombyra tartýdy mýzykadan sabaq beretin Aıganysh Mamyralıeva apaıymyz úıretti», dedi ol jymıyp.

Baýyrlas halyqtyń balaýsa talanttarynyń izgi nıetine biz de iltıpatymyzdy bildirdik.

Nazarbek BAIJIGITOV,

arnaıy «Egemen Qazaqstan» úshin

Qyrǵyz Respýblıkasy,

Sholpan-Ata qalasy