15 qyrkúıek kúni «Qonys» sport kesheninde 22 kásibı bylǵary qolǵap sheberleri qatysatyn kásipqoı boks keshi ótedi. Atalmysh is sharany Aqtóbe oblystyq dene shynyqtyrý jáne sport basqarmasynyń qoldaýymen «TUKESHOV BOXING PROMOTIONS» kompanııasy uıymdastyryp otyr.
«Kásipqoı boks keshiniń qatysýshylary retinde Tájikstan, Reseı, Qyrǵyzstan, Belorýssııa, Ázirbaıjan, Fılıppın jáne Qazaqstan sportshylary bolady. Kórermender 11 tolyq jekpe-jekti tamashalaıdy. Sharshy alańda elimizdiń namysyn Ibragım Eskendir, Ýalıhan Bısenqulov, Arman Rysbek, Rýslan Myrsataev sondaı-aq, aqtóbelik Dastan Sadýuly men Medet Aıdos qorǵaıtyn bolady. Keshtiń basty jekpe-jeginde Bobyrjan Momynov WBC nusqasy boıynsha Azııa chempıonatynyń ataǵy men NBA nusqasy boıynsha Inter - Continental chempıony ataǵy úshin kúresedi», - dedi basqarma basshysy.
Bul sharanyń qurmetti qonaqtary retinde kásibı bokstan WBA ABCO Continental nusqasy boıynsha Álem chempıony Qanat Islam, WBA nusqasy boıynsha álem chempıony Janat Jaqııanov, bokstan Olımpıada chempıony Baqtııar Artaev jáne Olımpıada oıyndarynyń eki dúrkin kúmis júldegeri Ádilbek Nııazymbetov qatysady.
Jalpy alǵanda jekpe-jek Aqtóbede alǵash ret kásibı boksty damytý maqsatynda ótkizilgeli otyr.
