Oqý-jattyǵýǵa UQShU-ǵa múshe memleketterdiń – Armenııa respýblıkasynyń, Belarýs Respýblıkasynyń, Qazaqstan Respýblıkasynyń Qyrǵyz Respýblıkasynyń, Reseı Federasııasy men Tájikstan Respýblıkasynyń tótenshe jaǵdaılardyń aldyn alý jáne olardyń saldaryn joıý salasyndaǵy ýákiletti organdarynyń qutqarý bólimsheleri qatysty.
Oqý-jattyǵýdyń birinshi kúni (aǵymdaǵy jylǵy 10 qyrkúıek) oqý-jattyǵýdyń 2 kezeńi pysyqtalady, onyń aıasynda komandalyq-shtabtyq oıyn formatynda jer silkinisiniń qateri men týyndaý kezindegi is-qımyldardy pysyqtaý, UQShU-ǵa múshe memleketterdiń qutqarý bólimsheleriniń kúshteri men quraldarynyń toptaryn naqtylaý boıynsha jedel shtabtyń jumysy uıymdastyryldy.
2018 jylǵy 11 qyrkúıekte UQShU qutqarý bólimshelerin daıarlaý salasyndaǵy «Jartasty qala – Astana» bazalyq polıgonynda (Almaty oblysy, Ile aýdany, Tamǵaly Tas shatqaly) oqý-jattyǵýdyń praktıkalyq bóligi ótti.
Oqý-jattyǵýdyń 3-kezeńi aıasynda avarııalyq-qutqarý tehnıkalary men jabdyqtarynyń kórmesi ótti.
Praktıkalyq is-qımyldardy pysyqtaý úshin toǵyz oqý orny anyqtaldy, onda ártúrli tótenshe jaǵdaılarǵa ımıtasııa jasaldy. Árbir orynnyń óz maqsaty, kezeńderi jáne ótkizý sharttary bar.
Oqý-jattyǵýdyń ańyzy boıynsha eldi meken aýmaǵynda joıqyn jer silkinisi saldarynan ónerkásiptik ǵımarattar men qurylystar qırady, kópir buzyldy, qaýipti jáne radıoaktıvti zattar tógildi, ekinshi faktorlarǵa baılanysty ártúrli órtter oryn aldy, zardap shekkender bar.
Qutqarýshylar áýe kemelerin qoldaný arqyly jer silkinisi aımaǵyna barlaý, kınologııalyq esepteri bar arnaıy belgilengen toptardy desanttaý jumystaryn júrgizdi, qurylys konstrýksııalary aımaǵynda jáne hımııalyq zaqymdaný sharttarynda avarııalyq-qutqarý jumystar kórsetildi, tóńirekti gazsyzdandyrý jáne zardap shekken adamdardy arnaıy tazalaý jumystaryn júrgizdi.
Budan basqa órtterdi sóndirý jáne temirjol kóliginde avarııalyq-qutqarý jáne kezek kúttirmeıtin jumystar júrgizý, zardap shekken adamdarǵa alǵashqy medısınalyq kómek kórsetý, zardap shekken halyq úshin dala lagerin, hımııalyq dala zerthanasyn ornatý jáne onyń jumysyn uıymdastyrý boıynsha birlesken is-qımyldar pysyqtaldy.
Avarııalyq-qutqarý jumystaryn júrgizý barysynda órt sóndirý jáne qutqarý bólimsheleri, qutqarý avıasııasy, tikushaq túrindegi ushqyshy joq ushý apparaty, robot tehnıkalyq qurylǵylar jumyldyryldy. Oqý-jattyǵýǵa barlyǵy 633 órt sóndirýshi men qutqarýshy, 151 birlik arnaıy tehnıka, 5 tikushaq qatysty.
UQShU-ǵa múshe memleketterdiń qutqarýshylary oqý-jattyǵý barysynda joıqyn jer silkinisi saldaryn joıý kezindegi praktıkalyq daǵdylardy jetilidirip qana qoımaı, qutqarý operasııalaryn júrgizý tájirıbesimen de almasty.
Jalpy alty el qutqarý bólimsheleriniń manevrleri birlesken kúshter tótenshe jaǵdaılardy joıý kezinde oıdaǵydaı ózara is-qımyl jasaýǵa qabyletti ekenin kórsetti.
