Q.Toqaev amerıkalyq elshiniń ekijaqty qatynastardy damytýdaǵy eleýli úlesine toqtala kelip, Memleket basshysy N.Nazarbaevtyń Vashıngtonǵa bıylǵy qańtardaǵy resmı saparynyń tarıhı mańyzyn atap ótti. «Qazaqstan men AQSh arasyndaǵy HHI ǵasyrdaǵy keńeıtilgen strategııalyq áriptestik týraly birlesken málimdeme» Prezıdent D.Tramppen kelissózderdiń asa mańyzdy nátıjesi boldy.
Parlamentaralyq baılanystardy odan ári damytýdyń mańyzy týraly aıta kelip, júzdesýshiler parlamentaralyq yntymaqtastyqty odan ári nyǵaıtý qajettigin atap ótti. «Amerıkalyq senatorlar, kongresshiler men Parlament Apparattarynyń qyzmetkerleri kóbirek kelgen saıyn AQSh Qazaqstan týraly, bizdiń elimizdiń ishki jáne syrtqy saıasaty týraly kóbirek bile túsetin bolady», dedi Q.Toqaev. Taraptar Qazaqstan men AQSh arasyndaǵy yntymaqtastyq pen áriptestiktiń strategııalyq sıpaty Ortalyq Azııa aımaǵyndaǵy qaýipsizdikti nyǵaıtýdyń mańyzdy bóligi ekenin atap ótti.
Q.Toqaev halyqaralyq ahýaldyń ýshyǵa túsýine oraı Qazaqstan kóshbasshysynyń shıelenisti sheshýge ázirligin atap ótti. Senat Tóraǵasynyń aıtýynsha, beıbitshilik, qaýipsizdik, qarýsyzdaný jolyndaǵy yntymaqtastyqty nyǵaıtý saıasaty qaǵıdalyq turǵyda dáıektilikpen, batyl túrde júrgizile beredi.
