Májilistiń kún tártibi óte aýqymdy jáne adam quqyqtary máseleleri boıynsha ózekti jáne kókeıtesti máselelerdi qamtıdy, atap aıtqanda adamnyń negizgi quqyqtary men bostandyqtaryn qamtamasyz etý, zańnyń ulyqtylyǵy, sot organdarynyń táýelsizdigi, sóz pen BAQ-tyń bostandyǵy, jınalys bostandyǵy, dinı jáne ulttyq azshylyqtardyń jaǵdaıy, demokratııalyq saılaýdy qamtamasyz etý, genderlik teńdik, adam saýdasyna qarsy kúres jáne basqa máseleler.
Varshava májilisi Uıymnyń úshinshi qorjyny aıasynda eń úlken jáne asa mańyzdy is-shara bolyp tabylady – oǵan jyl saıyn shamamen bir myń úkimettik emes uıymdar men EQYU-nyń 57 múshe-elderiniń ulttyq delegasııalary qatysady.
Qazaqstan tarapynan Qazaqstan halqy Assambleıasynyń, OSK, SIM, AKM, QDM, QR Adam quqyqtary jónindegi ýákili keńsesi jáne Bas prokýratýra ókilderinen qurylǵan delegasııa qatysýda.
Májilistiń alǵashqy eki kúni demokratııalyq ınstıtýttar róliniń, onyń ishinde ulttyq, aımaqtyq jáne jergilikti deńgeılerde, EQYU aımaǵynda demokratııalyq jáne ashyq saılaý ótkizýge jáne buqaralyq aqparat quraldarynyń erkindigin qamtamasyz etý máselelerine arnalǵan.
Qatysýshylar májilistiń alǵashqy kúnderi taqyrybyna baılanysty ózekti máseleler boıynsha pikir almasyp, áriptes elderdiń osy salalardaǵy tájirıbelerimen tanysty.
Qazaqstan delegasııasynyń basshysy QR Syrtqy ister mınıstrliginiń Erekshe tapsyrmalar jónindegi Elshisi Jalǵas Ádilbaev sóılegen sózinde, Qazaqstan ulttyq jáne halyqaralyq deńgeıde, ásirese halyqaralyq beıbitshilik pen qaýipsizdikti qamtamasyz etýde zańnyń ústemdigin qoldaýǵa umtylady. Elimiz halyqaralyq quqyqtyń tolyq quqyqty sýbektisi jáne adam quqyqtary salasyndaǵy alpystan asa kóp jaqty ámbebap halyqaralyq sharttardyń, sonyń ishinde «adam quqyqtaryn qorǵaýdyń halyqaralyq quraldary» dep atalatyn Birikken Ulttar Uıymynyń adam quqyqtary jónindegi jeti negizgi konvensııalarynyń qatysýshysy bolyp tabylatynyn atap ótti. «Qazaqstanda úkimettik emes quqyq qorǵaý uıymdary adam quqyqtaryn qorǵaýdyń ulttyq júıesinde mańyzdy oryn alady. Bul rette, Qazaqstannyń memlekettik saıasaty azamattyq qoǵam ınstıtýttarynyń qyzmetin damytýǵa jáne qoldaýǵa baǵyttalǵan», - dep atap ótti.
Qazaqstan Respýblıkasynyń Syrtqy ister mınıstrliginiń úkimettik emes uıymdarmen yntymaqtastyǵy baǵytyndaǵy nátıjeli jumystyń úlgisi retinde syrtqy saıası vedomstvosynyń negizinde 2013 jyldan beri turaqty jumys isteıtin «Adamı ólshem boıynsha ún qatysý alańy» - Konsýltatıvtik-keńesshi organyn (KKO) qurý tájirıbesi kórsetildi. Bul organǵa negizgi qatysýshylary quqyq qorǵaýshylar ÚEU-dary men memlekettik organdardyń basshylary bolyp tabylady. Bul turǵyda J. Ádilbaev atap ótkendeı KKO jumysynyń barysynda 20-dan astam kezdesýler ótkizildi, 100-den astam usynymdar ázirlenip qabyldandy, QR Úkimeti úshin halyqaralyq uıymdardyń jáne adamı ólshemderdegi azamattyq qoǵam ókilderiniń 50-den astam usynysy tańdap alyndy, nátıjesinde olardy iske asyrý úshin 50 «jol kartasy» ázirlengeni» týraly habarlady. Adam quqyqtaryn qorǵaý salasynda ázirlengen osy usynymdar Qazaqstan Respýblıkasynyń Úkimeti men Parlamentine ulttyq zańnama men quqyq qoldaný praktıkasyn jetildirý úshin jiberiledi.
Qazaqstan Respýblıkasy Ortalyq saılaý komıssııasynyń múshesi Zaýresh Baımoldına eń aldymen, saılaý prosesiniń jeke quqyqtyq normalary men ınstıtýttaryn, sonyń ishinde EQYU DIAQB usynymdary negizinde, odan ári jetildirýge baǵyttalǵan Qazaqstannyń saılaý zańnamasyn halyqaralyq standarttarǵa sáıkes reformalaý prosesi týraly aıtyp berdi.
QR Aqparat jáne kommýnıkasııalar mınıstrliginiń ókili Mıhaıl Komıssarov óziniń sózinde, Qazaqstan Respýblıkasy óziniń halyqaralyq mindettemeleri sheńberinde azamattardyń sóz bostandyǵy quqyqtarynyń saqtalýyn qamtamasyz etý úshin dáıekti qadamdar jasalyp kele jatqanyn atap ótti. Otandyq medıa salasyn jańǵyrtýǵa, áleýetti jáne básekege qabiletti otandyq BAQ-tardy damytýǵa, memleket pen qoǵamnyń jáne medıa-naryqtaǵy kásibı qatysýshylardyń arasyndaǵy dıalogty damytýǵa baǵyttalǵan aýqymdy jumys júrgizilýi týraly aıtyp berdi.
Májiliske qazaqstandyq azamattyq qoǵam ókilderi de belsendi qatysýda. Olar óz bastamashylyǵymen forýmnyń alańdarynda májilistiń kún tártibine sáıkes taqyryptarǵa arnalǵan birqatar is-sharalardy ótkizýdi josparlap otyr.
Eki aptalyq is-shara 21 qyrkúıekte aıaqtalyp, májilistiń qorytyndylary boıynsha EQYU aımaǵyndaǵy gýmanıtarlyq ólshemdegi jaǵdaıyna sholý jáne qatysýshylarǵa arnalǵan jeke usynystar jasalady dep kútilýde.
