Sonymen qatar Baqyt Sultanov Prezıdenttiń tapsyrmasy boıynsha LRT qurylysynyń oryndalyp jatqanyn tekserip, LRT kólik júıesiniń birqatar jańa stansııalarynda boldy. Qazirgi tańda qurylysshylar ınjenerlik jeliler men jeli qadalary men arqalyqtaryn daıyndaýda.
Jobany iske asyrý barysy týraly Astana qalasynyń ákimine «LRT qurylysy jónindegi dıreksııa» JShS dırektory Adılsha Ermuhanov baıandady. Josparǵa sáıkes, LRT áýejaı men jańa «Nurly jol» temirjol vokzalyn baılanystyrady. Estakadanyń uzaqtyǵy 22,4 km, qala boıynsha 18 stansııa jáne 19 birlik jyljymaly quram bolady. Aıta keteıik, qurylys-montaj jumystarynyń negizgi jobasy 2017 jyly mamyr aıynda qytaı kompanııalary kásiporyndarynyń konsorsıýmy kúshimen bastalǵan.
Osy jyldyń 13 qyrkúıeginde nysanda mynadaı jumystar atqaryldy: - býronabıvti qadalar – 3 764 dana (90% - joba boıynsha barlyǵy 4 203 dana); - rostvert – 675 dana (61% - jalpy joba boıynsha 1 110 dana); - tirekter jáne kolonnalar – 455 dana (41% - joba boıynsha barlyǵy 1 114 dana); - qurama arqalyqtar – 268 dana (34% - joba boıynsha barlyǵy 782 dana); - depo obektilerinde 3 687 qada qaǵyldy. Qazirgi tańda jylý jelileriniń 98% daıyn (qaıta quryldy) (2,2 km), sý qubyry 89% (3,2 km), sharýashylyq-turmystyq jáne nóserlik kárizdiń 65% (6,2 km), elektrmen jabdyqtaý jelileri 90%-ǵa (100,3 km), baılanys 97% (165 km) atqarylǵan. Osy jyly jumystar tolyq aıaqtalady. Qurylys nysanynyń jelilerinde shamamen eki jarym myń jumysshy jáne 155 birlik aýyr tehnıka jumys jasaýda.
Sonymen qatar, Baqyt Sultanov qurama temirbeton arqalyqtar shyǵarý boıynsha polıgondy, Esil ózeni arqyly ótetin jańa kópirge bardy. Aralaý qorytyndysy boıynsha dıreksııa keńsesinde kóshpeli otyrys ótkizilip, onda Astana ákimi «LRT qurylysy jobasyn kórsetilgen merzimde aıaqtaýdy qamtamasyz etýdi» tapsyrdy.
Sondaı-aq, B. Sultanovqa Myńjyldyqtar alleıasynyń (Almaty aýdany) qurylysy boıynsha naqty josparlardy tanystyrdy.
