«Jastar – Otanǵa!» jastar saıası lageri 2009 jyldan beri turaqty ótkizilip kele jatqan ıgi bastama. Bıyl qatarynan onynshy ret ótip otyrǵan is-sharaǵa elimizdiń ár aımaǵynan kelgen 170 belsendi jas qazaqstandyq qatysýda. Osylaısha, «Jas Otan» jastar qanatynyń I sezinde Elbasynyń bastamasymen aksııa retinde bastalǵan joba tyń ıdeıalar talqylanatyn tıimdi alańǵa aınalyp otyr. Búginde memlekettik deńgeıde júzege asyrylyp jatqan «Dıplommen aýylǵa!», «Jastar kadrlyq rezervi» sııaqty iri jobalar dál osy lager jumysynyń nátıjesinde qolǵa alynǵanyn erekshe atap ótken jón.
Barsha qatysýshylardy lagerdiń ashylýymen quttyqtaǵan Máýlen Áshimbaev jastar isine qatysty partııa tarapynan atqarylǵan jumystarǵa toqtaldy.
– Qazirgi tańda «Nur Otan» partııasy Elbasy tapsyrmasyna sáıkes partııa qyzmetin jańǵyrtý jumystaryn qarqyndy júrgizýde. Osy maqsatta 20-dan astam jańa joba qolǵa alyndy. Olardyń qatarynda jastar saıasatyn jandandyrýǵa qatysty tyń bastamalar da bar. О́ıtkeni jastar máselesi partııa jumysyndaǵy basym baǵyttardyń biri. Partııanyń bastamasymen jastardyń baǵdarlamalaý negizderin, robot tehnıkalaryn jáne 3D modeldeýdi úırenýi úshin tegin «1000 IT-synyp» ashý jobasy júzege asyrylýda. Odan bólek, jas býynnyń durys tamaqtanýy men salamatty ómir saltyn ustanýyn qamtamasyz etý úshin mektep ashanalaryn jańǵyrtý jáne mektep sport alańdaryn qaıta jabdyqtaý jumystaryn bastap kettik. Aýyl jastaryna aǵylshyn tilin úıretip, otandyq kitaphanalardy zamanaýı bilim ortalyǵy retinde qaıta qurý bastamalary da partııa tarapynan iske asyrylýda,– dedi «Nur Otan» partııasy Tóraǵasynyń Birinshi orynbasary.
Búginde elimizdiń birqatar kitaphanalarynda atalǵan kvorkıng-ortalyqtar ashyldy. «Jas Otan» jastar qanatynyń uıymdastyrýymen mundaı ortalyqtarda «Made in QZ»ulttyq mýzyka keshi, «Jeti jarǵy» sheshendik óner kýrstary, «Qolǵanat» eriktiler mektebi sııaqty jastarǵa arnalǵan komıýnıtıler ótkizý isi qolǵa alynǵan. Qazirdiń ózinde Aqmola, Shyǵys Qazaqstan, Pavlodar oblystary men Almaty jáne Shymkent qalalaryndaǵy jańǵyrtylǵan kitaphanalarda balalarǵa arnalǵan «English for kids» jáne eresekterge shet tilderin úıretetin «Speaking club» klýbtary jumys istep tur.
Aýyl jastaryna aǵylshyn tilin úıretý úshin «Nur Otan» aýyldarǵa volonterlar jiberý isin qolǵa aldy. Sonyń aıasynda osy aıdyń sońyna deıin «Jas Otannyń» uıymdastyrýymen «English for Jastar» jobasy óz jumysyn bastamaq. Oǵan 9 elden kelgen 28 sheteldik azamat pen 140 qazaqstandyq jas volonter qatysýǵa nıet bildirdi.
Shilde aıynda «Jas Otannyń» jańa saıtynda «J-Library» elektrondyq kitaphanasy iske qosyldy. Qazir ondaǵy kitap qory 650-ge jetti. Jýyrda osy elektrondy kitaphananyń ınternetsiz, ıaǵnı offlaın rejimde oqýǵa múmkindik beretin mobıldi qosymshasy iske qosylady.
Odan bólek, «Jas Otan» jastar qanaty «Taza meken» jobasy boıynsha el aýmaǵyndaǵy 28 kıeli mekende tazalaý jumystaryn júrgizip, ekskýrsııalar uıymdastyrdy. Sondaı-aq jastardy bızneske baýlyp, tájirıbe almasýǵa, bıznes-bastamalarǵa qoldaý kórsetýge baǵyttalǵan «Bıznes mentorlardyń» onlaın platformasyn iske qosý jumystary pysyqtalýda. Aýyldyq jerlerde jastar arasynda shaǵyn kásipkerlikti damytýǵa arnalǵan «Jastar – aýylǵa» jobasy aıasynda «Jas Otan» «Atameken» ulttyq kásipkerler palatasymen birlesip, 300-den astam jastyń basyn qosqan bıznes-semınarlar ótkizdi.
Máýlen Áshimbaev osyndaı tyń jobalardy tabysty júzege asyrý úshin elimizdiń barlyq jastaryn belsendilik tanytýǵa shaqyrdy. Sondaı-aq ol bul jumystar Elbasy aıqyndap bergen mindetterdi oryndaýǵa baǵyttalǵanyn aıtyp, osy jolda jasotandyqtardyń aldynda turǵan basty mindetterdi atap ótti.
– Birinshiden, jasotandyqtar «Jas Otannyń» IV sezinde qabyldanǵan qorytyndy qujattaǵy bastamalardy júzege asyrýǵa basymdyq berýi tıis. Ekinshiden, partııa qyzmetin jańǵyrtý aıasynda qolǵa alynǵan jańa jobalardy júzege asyrýǵa da belsendi qatysýy kerek. Ásirese óńirlerde bul baǵyttaǵy jumystar qarqyndy júrgizilýi qajet. Úshinshiden, «Jas Otan» el jastaryn Elbasy saıasatyna toptastyratyn, barlyq jastar uıymdarynyń basyn biriktiretin qozǵaýshy kúsh bolýy tıis. Bul rette «Ulttyq patrıottyq aktiniń» mańyzy zor. Sebebi, osy qujat arqyly elimizdegi jastar uıymdary birlesip jumys isteýge bel býyp otyr. Tórtinshiden, Aýyl jastaryna kóp kóńil bólýimiz kerek. Partııa júzege asyryp jatqan mektep ashanalary men sport alańdaryn jańǵyrtý, IT-synyptar ashý, aǵylshyn tilin úıretý sııaqty partııalyq jobalar negizinen osy aýyl jastarynyń básekege qabilettiligin qamtamasyz etýge baǵyttalǵan. Sondyqtan jasotandyqtar osyndaı partııalyq jobalardy júzege asyrýda kóbine aýydyq jerlerge basymdyq berý tıis. Besinshiden, «Jas Otan» jastar qanatynyń ókilderi Elbasynyń «Rýhanı jańǵyrý» baǵdarlamasyn júzege asyrýǵa belsene qatysyp, ulttyq kodty saqtaý, mádenı muralarymyz ben qundylyqtarymyzdy dáripteý sııaqty basymdyqtardy júzege asyrýda júıeli áreket etýi tıis. Atalǵan basymdyqtardyń aldyńǵy leginde jastar júrýi kerek,– dedi Máýlen Áshimbaev.
Sonymen qatar «Nur Otan» partııasy Tóraǵasynyń Birinshi orynbasary qazirgi jańa úrdister men qundylyqtarǵa baılanysty básekege qabiletti bolý úshin jastardyń boıynda qandaı qasıetter bolýy kerektigin aıtty.
– El jastarynyń boıynda udaıy izdenis, ashyq sana, asqaq arman jáne ulttyq múdde bolýy tıis. Bul – búgingi zaman talaby. Sondyqtan izdenýden, oqýdan, úırenýden jalyqpaý kerek. Sondaı-aq barlyq máselede birjaqty bolmaı, balama pikirlerdi de eskergen jón. Durys armandap, naqty maqsattar qoıa bilý kerek. Eń bastysy, barlyq iste ulttyń, eldiń múddesin joǵary qoıyp, halyqtyń qamy úshin eńbek etýimiz kerek, – dedi Máýlen Áshimbaev.
Is-shara barysynda jastar qoǵamdaǵy ózekti máselelerge qatysty pkirlerin bildirip, spıkerge óz saýaldaryn joldady.
Lager jumysy 19 qyrkúıekke deıin jalǵasady. Bıylǵy lagerdiń eń basty jańalyǵy Qazaqstan jastarynyń «Ulttyq patrıottyq aktige» qol qoıýy bolyp otyr. Bul qujatqa «Jas Otan» jastar qanatymen birge Qoǵamdyq damý mınıstrligi Jastar jáne otbasy isi jónindegi komıteti, «Qazaqstannyń jastar kongresi», «Halyqaralyq «Bolashaq» stıpendııasy stıpendıattarynyń qaýymdastyǵy», «Qazaqstan stýdentteriniń alıansy», «Jasyl el» jastar eńbek jasaqtarynyń respýblıkalyq shtaby, Qazaqstan halqy Assambleıasynyń «Jańǵyrý joly» respýblıkalyq jastar qozǵalysy sııaqty birqatar jastar uıymdary qol qoıdy.
Osy rette aldaǵy ýaqytta da qazaqstandyq jas lıderlerdiń yntymaqtastyq qujaty atalǵan Aktige qol qoıýǵa kez kelgen jastar uıymynyń múmkindigi bar ekenin atap ótken jón.
Lager jumysy barysynda qatysýshylar Jas Otan Ironman úshsaıysy, ıaǵnı sadaq atý, velosıped, júgirý-ıarkokross pen shyǵarmashylyq keshterde synǵa túsedi. Sondaı-aq arnaıy shaqyrylǵan bilikti sarapshylardyń dáristerin tyńdap, ózekti máselelerdi talqylaý josparlanyp otyr. Lager qonaqtarynyń qatarynda belgili qoǵam qaıratkerleri, Májilis depýtattary, bilikti mamandar men sportshylar bar. Olar jastarǵa tabysqa jetý joldary men óz salalaryna qatysty sońǵy úrdister jaıyn sóz etpek.
