Biregeı shyǵarmashylyq mura bolyp tabylatyn osy irgeli eńbekterde alǵash ret XV ǵ. men XX ǵasyrdyń basyndaǵy qazaqtardyń kóshpeli qoǵamynyń áleýmettik-ekonomıkalyq qurylymynyń túbegeıli jańa tujyrymdamasy usynylyp, negizdelgen. Qazaqstan ekonomıkasynyń revolıýsııa aldyndaǵy kezeńderden ótken ǵasyrdyń 60-shy jyldaryna deıingi qalyptasýy men damý erekshelikterimen qatar aýyr jáne jeńil ónerkásip, kólik, aýyl sharýashylyǵy salalarynyń paıda bolýy men qalyptasýy, alǵashqy besjyldyq kezeńindegi, sondaı-aq soǵys jáne soǵystan keıingi jyldardaǵy respýblıkadaǵy ónerkásip kásiporyndaryn qurýdyń kezeńderi qarastyrylǵan.
Qos ǵalymnyń ǵylymı eńbekteri otandyq ekonomıka ilimi men qazirgi egemen Qazaqstannyń tarıhy máselelerine qyzyǵýshylyq tanytatyn ortaǵa asa mańyzdy basylym bolyp tabylady.
Osy mazmundaǵy pikirlerimen bólisken Ekonomıka ınstıtýtynyń dırektory Ázimhan Satybaldın, Sh.Ýálıhanov atyndaǵy tarıh jáne etnologııa ınstıtýtynyń dırektory, professor Zııabek Qabyldınov, akademıkter Hangeldi Ábjanov, Orazaly Sábden, Amanjol Qoshanov jáne de Bolat Jumaǵulov, Talas Omarbekov, t.b. ǵalymdar ekonomıka, tarıh salasyndaǵy ǵylymı zertteýlerdiń qaınarynda turǵan ǵalymdardyń eńbekteriniń elimiz ǵylymynyń damýyndaǵy zerdeli basylym ekendigine toqtaldy.
Atalǵan is-sharaǵa belgili ǵalymdar, memlekettik basqarý organdarynyń ókilderi, sarapshylar qatysty.
Elvıra Serikqyzy,
«Egemen qazaqstan»
ALMATY
