Qostanaı oblysynyń Kásipkerlikti qoldaý jol kartasyna kiretin bul jobanyń búginge deıin 1 mıllıard 800 mıllıon teńgesi ıgerildi. Qazirdiń ózinde 60 adam jumysqa ornalasty. Keshen ústimizdegi jyldyń qazan aıynda tolyq paıdalanýǵa beriletin bolady.
Torǵaı óńirin aralaǵan oblys ákimi Arhımed Muhambetov osy iri joba tolyq is júzine asýyna oraı, oblystyń ońtústik aýdandarynda mal sharýashylyǵyn barynsha damytý kerektigin aıtty.Amangeldi, Jangeldın, aýdandary men Arqalyq qalasy mańaıyndaǵy mal sharýashylyǵynyń búgingi jaǵdaıyn kózimen kórdi, ákimderdi tyńdady. Oblys basshysy ońtústik óńirdegi mal sharýashylyǵynyń búgingi barysy áli de kóńil kónshitpeıtinin eske saldy, shuǵyl mindetter qoıdy. Mysaly, Amangeldi aýdanynda jyl absynan beri «Sybaǵa» baǵdarlamasy arqyly barlyǵy 144 bas asyl tuqymdy mal basyn satyp alý qajet bolsa, búgingi kúnge Agrarlyq nesıe korporasııasyna 4 sharýa qojalyǵynan 45 mln. teńgege 90 bas asyl tuqymdy mal basyn satyp alýǵa ótinimder tapsyrýǵa qujattary daıyndalǵan. Oblys ákimi bul kórsetkishtiń jetkiliksiz ekenin, aýdan basshylaryna bul oraıda tııanaqty jumys isteýdi tapsyrdy.
«Torǵaı óńirinde, ásirese Amangeldi, Jangeldın, Naýyrzym aýdandarynda Sokolov-Sarybaı ken óndirý birlestigi sekildi iri óndiris joq. О́ńirdi tek aýyl sharýashylyǵy, onyń ishinde mal sharýashylyǵy arqyly damyta alamyz. Sondyqtan barynsha mal basyn kóbeıtý kerek, memlekettik baǵdarlamalardy tıimdi paıdalaný qajet. Qazir sharýa qojalyqtarynyń, jeke adamdardyń mal alýyna qoldaý kórsetińder, birer aıdan soń ońtústik óńirdegi mal sharýashylyǵyn damytý isine qatysty taǵy da basqosý ótkizemiz, ozyq tájirıbelerdi ortaǵa salatyn bolamyz» dedi Arhımed Begejanuly.
Názıra Járimbet,
Qostanaı oblysy,
Arqalyq qalasy
