Jandar Asannyń aıtýynsha, besinshi ret uıymdastyrylyp otyrǵan alqaly jıynǵa Túrkııa, Qazaqstan, Ázirbaıjan, Qyrǵyzstan, О́zbekstan men Reseıden 200-ge jýyq ǵalym, memleket jáne qoǵam qaıratkerleri qatyspaq.
Sımpozıýmnyń basty maqsaty – álemdegi ǵylym, bilim salasynda túrki álemine qatysty zertteý jasap júrgen ǵalymdardyń basyn qosyp, ǵylymı baǵytta pikir almasýdy qamtamasyz etý, jańa ǵylymı zertteýlerge jol ashyp, túrki álemi ádebıeti men mádenıetiniń keńeıýine yqpal jasaý.
– Basqosýda ǵalymdar pedagogıka, til, ádebıet, tarıh, mádenıet, óner, halyqaralyq qatynastar, ekonomıka, fılosofııa, áleýmettaný, genderlik t.b. máseleler jáne jaratylystaný ǵylymdary salasynda pikir almasyp, bolashaqta túrki áleminde ortaq ǵylymı jobalardy júzege asyrý týrasynda ýaǵdalaspaq. Sımpozıým túbi bir túrki halyqtarynyń bir-birimen bas qosýyna, qarym-qatynastarynyń nyǵaıýyna sep bolyp, álemde beıbitshilik pen tynyshtyqtyń qamtamasyz etilýin maqsat etedi, – dep atap ótti Jandar Asan.
Sımpozıým «Jahandyq básekege qabiletti fılolog maman daıarlaýdyń qazaqstandyq jáne álemdik tájirıbesi», «Rýhanı jańǵyrý: ádebıet arqyly ulttyq sanany kemeldendirý», «Jahandyq bilim berý júıesi: áleýmettik-gýmanıtarlyq pánderdi jańasha oqytý ádistemesi», «Latyn grafıkasy: tarıhy, teorııasy jáne oqytý ádistemesi», «Túrki qaýymy: tarıhy men mádenıeti», «Qazirgi zamandaǵy bilim berý úrdisiniń ulttyq jáne halyqaralyq damý tendensııasy» jáne «Túrki tildes memleketterdegi genderlik bilim berýdiń ózekti máseleleri» baǵyttary boıynsha ótkizilmek. Sımpozıýmnyń resmı tilderi – túrki tilderi.
Aıta keteıik, Omer Halısdemır ýnıversıteti, Qazaq memlekettik qyzdar pedagogıkalyq ýnıversıteti jáne M. Akmýlla Bashqurt memlekettik pedagogıkalyq ýnıversıteti uıymdastyrǵan Halyqaralyq túrki álemi zertteýleri sımpozıýmy alǵash ret Túrkııanyń Omer Halısdemır ýnıversıtetinde 2014 jyldyń 18-21 naýryz kúnderi aralyǵynda ótken bolatyn. Sonymen qatar, shara aıasynda atalǵan joǵary oqý oryndarynyń stýdentteriniń uıytqy bolýymen «Túbimiz bir Túrikpiz» festıvali da turaqty túrde uıymdastyrylyp keledi.
