Aýyl sharýashylyǵy salasyndaǵy 8 aıdyń qorytyndysy boıynsha, bıyl óńirde egis kólemi 807 myń gektarǵa jetip, ótken jylmen salystyrǵanda 9,0 myń gektarǵa artty. Egis qurylymy boıynsha masaqty daqyldar ótken jylǵy kórsetkishten 22,7 myń gektarǵa artyp, 227,4 myń gektarǵa jetken. Al, júgeri 6,6 myń gektarǵa artyp, 43,9 myń gektarǵa, kókónis, kartop, baqsha 7,5 myń gektarǵa artyp, 113,9 myń gektar bolǵan. Bıyl masaqty daqyldardyń ár gektarynan ortasha eseppen 17,8 sentnerden ónim alynyp, 405,0 myń tonna dán qambaǵa quıyldy. Maıly daqyldardyń 80 paıyzy, ıaǵnı, 54,2 myń tonna ónim jınalǵan.
Aǵymdaǵy jyly tamshylatyp sýǵarý ádisi engizilgen egistik kólemi 64,3 myń gektarǵa jetken. Sondaı-aq oblysta mal basy artqan. Máselen, 8 aıda iri qara mal basy 30,6%-ǵa artyp, 998,1 myń bolsa, qoı men eshki 4,2%-ǵa artyp, 4459,0 myńǵa jetken. Jylqy 7,9 %-ǵa artyp 309 myń, al túıe sany 27,5 myń bolyp otyr. Jyl basynan bergi 8 aıda Túrkistan oblysy boıynsha aýyl sharýashylyǵy ónimderiniń jalpy shyǵarylymy 249 998,2 mln. teńge boldy. Bul ótken jylǵy tıisti kezeńmen salystyrǵanda 3,4%-ǵa joǵary kórsetkish.
Ǵalymjan ELShIBAI,
«Egemen Qazaqstan»
Túrkistan oblysy
