Aǵaıyndylardyń atamekenge tartýy

Ájibaı aýlynda ósip-óngen, búgingi kúnde oblys ortalyǵynda qurylys jumystarymen aınalysatyn aǵaıyndy jigitter óz qarajattarynan 15 mln teńge jumsap, nysannyń qurylys jumystaryn eki aıdyń ishinde bitirdi.

Nysannyń ashylý saltanatynda sóz alǵan aýdan ákimi Abat Shynybekov Ájibaı aýyly­nyń turǵyndaryn feldsherlik pýnkttiń ashylýymen quttyqtap, jomart azamattarǵa el atynan alǵysyn bildirdi.

Saltanatty sharada Asqar Syralıev feldsherlik-akýsher­lik pýnkttiń kiltin aýdandyq orta­lyq aýrýhananyń dırektory Qaıyrbaı Altaevqa tabys etti. Aıtýly sharaǵa arnaıy kelgen ob­lystyq densaýlyq saqtaý bas­qarmasy basshysynyń orynbasary Gúlnara Abdrahmanova jomart jigitterge Alǵys hat pen estelik syılyqty tartý etti. Al osyndaı ıgi iske rızashy­lyq­taryn bildirgen ájibaı­lyq­tar aǵaıyndy jigitterge shapan jaýyp, sáıgúlik mingizdi.

Saltanatty sharada jańadan salynǵan nysannyń lentasy qıylyp, jınalǵan kópshilik feldsherlik-akýsherlik pýnkttiń ishin aralap kórdi. Búgingi za­man­ǵa saı salynǵan nysanǵa qa­jetti kommýnıkasııalar júıesi tartylǵan, feldsherlik kabınet, ekpe bólmesi, akýsherlik kabınet, kúndizgi emhana bólmesi de bar. Kabınetterdiń bári de tolyqtaı jańa qondyrǵylarmen jabdyqtalyp, bilikti mamandar aýyl turǵyndarynyń barlyǵyna qajetti medısınalyq kómek kórsetýge ázir.

Asqar Syralıev, kásipker: – Biz osy jerde oqyp, bilim aldyq. Eńbekke aralastyq. О́zimizdiń týǵan aýlymyzǵa kómek jasap, osyndaı bir ıgi isti bastaýdy kó­pten beri josparlap júrgen edik. Sol josparymyzdy oryndaýda qoldaý kórsetken jáne keńesterin bergen aýdan, okrýg ákimi jáne aýyl azamattaryna rızashylyǵymyz zor. Elge kómek kórsetý árbir azamattyń boryshy dep bilemin.

Meńsulý Batyrhanova, zeınetker: – Men bul azamattardyń ata-anasymen jaqsy aralastym. Elge syıly otbasy edi. Endi, mine, olardan taraǵan urpaqtary týǵan aýyldaryna úlken tartý jasap jatqanyna kýá bolyp otyrmyz. El atynan analyq al­ǵy­symdy bildirip, aq batamdy berdim.

Gúlzıra Tólegenova, Áji­baı aýyldyq feldsherlik-akýsher­lik pýnktiniń feldsheri: – Aýy­lymyzda ornalasqan bu­ryn­ǵy FAP-tyń tozyǵy jetip, es­kirip turǵan edi. Bul másele­niń she­shimin taýyp, óz qarajat­taryna osyndaı tamasha ǵımarat salyp bergen aǵaıyndy jigitterge rızamyz. Jańa ǵımarat aýyl hal­qy­nyń densaýlyǵynyń jaq­sarýyna úlken úles qosady degen senimdemiz.

Qaırat JAQYP

Batys Qazaqstan oblysy,

Qaztalov aýdany