Josparǵa sáıkes, 2023 jylǵa qaraı qala turǵyndarynyń sany 1,5 mln adam bolady dep eseptelingen. Qala halqynyń sany artqan jaǵdaıda turǵyn úımen qamtamasyz etý jáne qurylys, ınjenerlik ınfraqurylymdy salý, orta bilim berý, densaýlyq saqtaý, mádenıet nysandaryn salý máseleleri týyndaıtyny anyq.
«Osy josparda atalǵan máseleler boıynsha naqty sharalar qarastyrylǵan. Jospar boıynsha aldaǵy 5 jylda 10 mln sharshy metr turǵyn úı salynady. 546 myń adam baspanamen qamtamasyz etiledi. 37 mektep, 13 densaýlyq saqtaý nysanynyń qurylysy júrgiziledi. Keshendi josparda memlekettik jekeshelik-áriptestik qoldaný arqyly jobalardy ise asyrý qarastyrylǵan. Jalpy qalanyń damýyna 6 trln teńge jekemenshik ınvestısııa tartylady», - dedi Asqar Mamın.
Al qala ákimi Baqyt Sultanovtyń aıtýynsha, Astana qalasynan respýblıkalyq bıýdjetke jyl saıynǵy túsimder 14 paıyzǵa, 2018 jylǵy 823 mlrd teńgeden 2023 jyly 940 mlrd teńgege deıin ósedi. Sonymen qatar, aldaǵy 5 jyldyń ishinde elordanyń damýyna shamamen 6 trln teńge jeke ınvestısııa salynbaq. Sonymen qatar, 2023 jylǵa deıin shamamen 10 mln sharshy metr turǵyn úı salynyp, 121 shaqyrym jol, 2 jol aıryǵy, 3 kópir, 1 jol ótpesi, 1 jer asty jolyn salý jáne 1 aınalma joldyń qurylysyn aıaqtaý josparlanyp otyr.
Erkejan AITQAZY,
«Egemen Qazaqstan»
