Aldymen ýnıversıtet rektory Marat Syrlybaev Aıan Beısenbaevty aýyz toltyryp aıtýǵa laıyq jeńisimen quttyqtap, bolashaǵynan zor úmit kútetinin atap ótti.
– Indonezııa elinde ótken dúbirli oıyndarda Qazaqstan mártebesin bıiktetken stýdentimiz bárimizdi rýhtandyryp jiberdi. Jerlesimizdiń jeńisine dán rızamyz. Kelesi jyly sportshylar úshin qarjy qarastyrylady. Jarysqa baratyn sportshylarymyzdy qoldap, demeýshilik jasaımyz,–deı kelip, rektor sportshyǵa 250 myń teńgeniń sertıfıkatyn tapsyrdy.
Aıan Beısenbaevtyń jattyqtyrýshysy, trıatlonnan Qazaqstan Respýblıkasynyń eńbek sińirgen jattyqtyrýshysy Iýrıı Solovevqa da syı-sııapat jasaldy. Qazaqstan Respýblıkasynyń qurmetti sport qaıratkeri Sabyr Májıtov Aıan Beısenbaevtyń sporttaǵy jetistikteri jóninde tarqatyp aıtyp berdi.
Sportshy atalmysh ýnıversıtettiń 3 kýrsynda oqyp júrgende trıatlonnan Qazaqstan Respýblıkasy Ulttyq quramasynyń músheligine qabyldandy. 2013 jyldan beri Qazaqstan Respýblıkasy jáne Azııa chempıonattaryna, Azıada oıyndaryna, Azııa, Afrıka jáne Eýropa kýboktaryna qatysyp, júldeli oryndardan kórindi. Kókshetaý trıatlon mektebiniń tárbıelenýshisi joǵary sport sheberligi mektebiniń sportshysy atanyp, halyqaralyq dárejedegi sport sheberi ataǵyna ıe boldy.
Jıyn sońy kóńildi konserttik baǵdarlamaǵa ulasty.
Baıqal BAIÁDIL,
«Egemen Qazaqstan»
