Báıgeniń adal muraty — ulttyq ádebıetimizdiń kúni búgingi eń ozyq shyǵarmalaryn, eń daryndy qalamgerlerin anyqtaý jáne ulyqtaý, qazirgi ádebıettiń damýyna, kórkeıe túsýine demeý bolyp, ádebıettegi qazirgi oń ózgeristerdi, jańa, jasampaz baǵyttardy meılinshe qoldaý, qazaq ádebıetiniń qoǵamdaǵy izgi áserlerin nyǵaıtýǵa sep bolý, qazaq kórkem oıynyń eńsesin bıiktetý, jańaryp jatqan qazaqy ulttyq oı-sananyń, shynaıy rýhanı túleýdiń kúsheıe túsýine shynaıy úles qosý.Báıgeniń júlde qory — 3 000 000 (úsh mıllıon) teńge.Bas júlde — 2 000 000 teńge, arnaýly syılyq.Birinshi júlde — 1 000 000 teńge, arnaýly syılyq. Ekinshi júlde — 500 000 teńge.Úshinshi júlde — 300 000 teńge.Yntalandyrý syılyqtary (úsheý) — 100 000 teńgeden.Báıge nomınasııalary:
1.Úzdik óleńder toptamasy, poema.
2.Úzdik áńgime, hıkaıat, roman.
3.Úzdik ádebı syn, esse.
4.Úzdik drama.
Báıge 2018 jylǵy qazan aıynyń 1-nen 2019 jyldyń 15-naýryzyna deıin ótkizilip, syılyq tapsyrý rásimi 2019 jylǵy Naýryz merekesi qarsańynda, naýryzdyń 20-sy kúni Aqtóbede ótkiziledi.
Báıgege qatysýshylar bıylǵy qazan aıynyń 1-nen bastap shyǵarmalarynyń elektrondy nusqasyn «Adyrna» jýrnalynyń elektrondy poshtasyna (adyrna2016@gmail.com) jiberedi.
Kórkemdikke qoıylatyn sharttarmen qatar redaksııanyń taǵy bir sharty — redaksııaǵa avtordyń «Adyrna» jýrnalyna 2019 jylǵa tolyq jazylǵandyǵyn rastaıtyn, pochta belgisi soǵylǵan túbirtekti qosa joldaý (el. nusqasy men túpnusqa kóshirmesi). Onsyz shyǵarma báıgege jiberilmeıdi.
Shyǵarmamen, túbirtekpen birge avtor týraly qysqasha derek pen meken-jaıy týraly aıqyn málimet berilýi tıis.
